楊思琦收$1484一對一連線5分鐘 被嘲「發錢寒」：更加覺得佢冇老公

楊思琦去年轉戰內地發展，不過並冇影視作品，只係在社交平台分享生活點滴，直播時同網友傾偈等等，都儲到唔少人氣。有網民發現佢新設定咗一個「私聊」功能，引咗咗爭議。

同場加映：黃建東認被搞笑之路選中型不起 反獲友人鼓勵：話唔定係下個黎耀祥

{{hket:ul-video id="5980"}}{{/hket:ul-video}}

今年43歲的楊思琦，日前如常喺抖音直播，化好全妝但就打扮Casual，唔少網民留言「示愛」，佢都一如以往咁「Hyper」答謝大家嘅愛意。不過呢日同平日就有少少不一樣，楊思琦嘅直播間的右下角有一個「付費連線」介面，據知呢個功能係由用戶本人設定，即係表示楊思琦畀個機會網民，同佢進行「1對1付費限時連線」，最長可連線5分鐘，填寫埋申請理由就有更大機會被主播選中連線。

{{hket:inline-image name="2.JPG"}}{{/hket:inline-image}}

楊思琦設定咗需要支付8,888抖幣，現時呢個虛擬幣同人民幣跉兌換率係7:1，即係約人民幣1,270元（約1,484港元），換句話講同楊思琦連線5分鐘就盛惠$1,484。同時佢說明有乜嘢「特別內容」，令到唔少網民更加好奇呢個價錢最後會有咩「收穫」。

有部分網民就覺得楊思琦「收費私聊」，感覺猶如「發錢寒」，唔乎合佢明星之格，自貶身價︰「這個方式不太好吧？一個演員能缺錢到這種程度。」又有人覺得佢咁博命搵錢，似要自己孭起頭家：「更加覺得佢係冇老公……講真好人好姐，邊個會畀個老婆咁辛苦養家」等等。都有Fans表示想同佢連線私聊，認為畀唔畀錢都係個人選擇：「不想花錢的可以不連線啊！人家又沒強迫你支付」。

撰文：黃蘊姿