林作百萬向陳凱琳爸爸細佬買毛 驗DNA證血緣關係：困擾了我9年

林作自傲，皆因被封「抽水王」，近日佢咗為不負「美名」又再製造話題博眼球。日前佢喺IG share向陳凱琳細佬「下戰書」，表示想睇陳凱琳細佬同爸爸嘅「親子鑑定」，引起網民熱烈討論。

同場加映：黃建東認被搞笑之路選中型不起 反獲友人鼓勵：話唔定係下個黎耀祥

{{hket:ul-video id="5980"}}{{/hket:ul-video}}

林作留言：「本人願意用100萬港幣向Derek Chan（陳凱琳細佬）not Cheung發出挑戰：畀你一條毛畀我。同埋你老豆一條毛。如果DNA比照證實你哋係父子，我畀100萬你。如果唔係，順便比照係咪有印巴血統。順便咋，純八卦，驗到冇嘅我都畀100萬你。無他，純粹之前嗰個Derek（鍾培生）畀咗我一百萬零用錢冇地方使。同埋真心好奇及堅信不移。」

「Derek，你願意接受挑戰嗎？」

{{hket:inline-image name="288707689_1465570327218490_3949946317613582861_n.jpg"}}{{/hket:inline-image}}

陳凱琳一家嘅外表不時成為話題，因為Grace同龍鳳胎細佬Derek睇落都似混血兒，Derek膚色更深，輪廓更分明，而陳媽媽、陳爸爸就係四正華人樣。Grace已多次澄清自己同細佬係父母親生，同時林作受訪時話係為「公義」而要求Derek同爸爸驗DNA，更指「盲嘅都睇得出」，似有所云。

之後林作又出post話「唔好再喺度話我多管閒事，我淨係問你兩句：第一，佢哋係咪公眾人物，係，就有公眾利益，也必須承受被人指指點點，我都係市民一個；第二，老老實實，想唔想知先？」

林作「再接再厲」，再post陳媽媽嘅訪問，訪問中指佢有馬來西亞血統，而且一對仔女喺加拿大長大，當地食物有較多荷爾蒙，令佢哋長相有所不同；林作反駁：「不回應沒問題。低調沒問題。不承認沒問題。但係事實就係事實，不容亂講。馬拉人Malay並非此容貌。戶外活動我做好多，唔見我咁嘅樣。加拿大食物食到中國人變南亞人樣？咁我夠喺英國食到我變鬼佬啦！確實唔關我事，但係我見到謬論就不能提出我的質疑嗎？困擾了我9年了！而這傷害得到他們家人嗎？事實就是等於傷害？大家在現實中都是活得像隻鴕鳥嗎？即使唔係親生，請問有咩問題？咁樣佢哋家人關係就要變差嗎？點解領養就唔值得一樣當仔咁愛？都咁多年了，知就一早知，唔知而家可以知，有咩分別？人家係加拿大人，比起你哋班守舊華人思想要開通好多倍的，懂嗎？我而家有攻擊Derek嗎？我認為佢超型噃！」

網民反應兩極，有啲人話佢哋都對此感到好奇；亦有人覺得事件冇公眾性，為咗滿足好奇心而要人公開自己私隱，非常唔道德。

撰文：黃蘊姿

圖片來源：Instagram