好人好事 ︳失智婆婆截的士去睇醫生忘記地址 暖心司機陪搵診所拒收車資

老人體弱難免經常求醫，過程中仔女如無法陪同的確會衍生諸多問題。有的士司機指日前接載一名持拐杖婆婆往診所求醫，惟對方上車後始發現忘記求醫地點，幸而事主全程耐心陪伴協助，期間甚至得知婆婆3名兒子都不願照顧親母，令事主更感心酸。

同場加映：
管家王︳起床後肩頸膊痛瞓極都好攰 陳定幫教你化解「辛苦命」

{{hket:ul-video id="5964"}}{{/hket:ul-video}}

婆婆獨自截的士求醫 上車始忘診所地點

一名的士司機日前於Facebook群組「的士司機資訊網 Taxi」發文，分享義載婆婆求醫的心酸遭遇。事發於上周六（18日）下午，事主於上水金錢村遇上一名要用拐杖步行的年老婆婆截的士，停車開門讓婆婆緩緩上車後隨即遇上問題，

「閂門開車問佢去邊度，阿婆話『要去睇醫生，但唔記得要去邊度睇』。」

事主憶述當時一時間不知所措，只好慢慢開車讓婆婆回想目的地。經過數分鐘後，婆婆始表示要往賽馬會診所，但醒目司機又再發現事有蹊蹺，故問道：

「賽馬會診所應該要預約喎，同埋星期六下晝應該無醫生睇喎，你真係確定？」

3子拒照顧 「使晒我啲錢就唔理我」

事主指婆婆當時未懂反應，亦懷疑婆婆求醫地點或非賽馬會診所，故建議到埗後等婆婆確定目的地正確才開車離開。事主見婆婆似是不便自理，前往目的地期間不禁關心幾句，稱「你應該叫屋企人陪你睇醫生吖嘛」，未料婆婆道出坎坷身世，

「婆婆用好平淡但心酸嘅語氣話：『我有3個仔1個新抱，但係佢哋使晒我啲錢就唔再理我』。」

司機接送回家拒收車資

事主聽見婆婆遭遇後雖感心酸但亦自言不知如何應對，至到達賽馬會診所後婆婆表示「我真係唔記得去邊度睇醫生」，建議司機折返。事主聽後亦應要求接載婆婆回家，至到埗後見落錶收費60多元，但亦不忍向婆婆收錢，

「（司機指）唔使畀錢喇，我當請你食生果啦，阿婆話『唔得，你都要搵食㗎嘛』。」

事主指婆婆最終堅持繳付約20元車資，落車時亦不斷道謝，令事主更感心酸，

「望住佢篤住拐杖佝僂嘅背影，一陣心酸湧上心頭！希望阿婆嘅仔女並唔係阿婆所講咁不孝，只係阿婆少少認知障礙嘅幻覺。」

司機善舉獲網民大讚

事主經歷引起不少討論，大部分網民大讚事主好人，指區區數十元車費事少，讓婆婆安全到埗歸家事大，希望更多的士司機行家可揮發如事主一般的互助精神。有人就慨嘆部分長者未得到充分照顧老無所依，認為社會及子女都應該給予長者更多關懷。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】