黎明爆金句鼓勵樂壇 古天樂助年青人實現電影夢

紫荊文化集團、麗新集團昨日舉行簽約儀式，宣布雙方於電影投資、音樂及演出製作等方面開展合作。近年難得出席公開活動的「金句王」黎明，於台上發表講話，再次爆金句勉勵同業；同場的古天樂（古仔）則希望有志的年輕人投身影圈，實現電影夢。

同場加映：黃建東認被搞笑之路選中型不起 反獲友人鼓勵：話唔定係下個黎耀祥

{{hket:ul-video id="5980"}}{{/hket:ul-video}}

{{hket:inline-image name="c79123de-91c1-4ad1-b77f-d2474f5bd809.jpg"}}{{/hket:inline-image}}

{{hket:inline-image name="f04f558e-5c4a-4d79-8b19-f0978c04c3ef.jpg"}}{{/hket:inline-image}}

{{hket:inline-image name="45af6e9b-d393-44f8-bcfc-cbbf1b418e5b.jpg"}}{{/hket:inline-image}}

在簽約儀式上，兩大集團公布一系列合作計劃，其中為慶祝香港回歸25周年，多間電影公司聯合出品的新片《一樣的天空》將於後日上映；而有關航天題材的科幻電影《天梯》亦積極籌備當中。在音樂方面，雙方會合辦大灣區歌唱比賽，發掘優秀的音樂人才。身為合作參與者的黎明，昨日出席活動，並於台上大爆金句。他說︰「身為樂壇一分子，好開心見到近年嘅香港樂壇蓬勃，但做音樂最難係『講到做到』，如果好想做一首歌，做唔到出嚟會好難受，但做到出嚟無人聽就更難過。」黎明鼓勵同業一起把歌做好，有好作品自然就能產生交流，甚至將作品帶到其他國家。

{{hket:inline-image name="4b6eeddc-1723-422d-bdcf-a370f3e29e50.jpg"}}{{/hket:inline-image}}

{{hket:inline-image name="8de47cf9-9fcf-42e9-b29c-e26f663a6cb8.jpg"}}{{/hket:inline-image}}

至於古仔同樣有份在台上發言，他表示《天梯》是以太空探索為故事題材，非常開心能得到國家航天局的協助。問他為何選擇開拍太空電影？古仔表示︰「今次係用咗LED實景拍攝，人類會出去太空打仗。其實我哋會喺一個『黑盒』入面搭景，係比較複雜…之前拍太空片都要靠想像去演戲，但今次我哋就將以往想像嘅畫面，好實在咁做晒出嚟，令到真實感比較強；同時今次呢個製作希望可以吸納到更多年輕人投身影圈，幫助佢哋實現電影夢。」

{{hket:inline-image name="af8ceaf9-5786-4aff-a4e4-891fb946a38f.jpg"}}{{/hket:inline-image}}

另外，熊黛林（Lynn）昨日出席活動，力撑老闆林建岳，她表示︰「只要公司畀嘢我都會做，依家我都好想多啲出去做嘢、拍電影。其實我喺屋企真係好悶，以前仲可以周圍飛，但依家無得出街，覺得生活重複又重複。（兩個女有無投訴？）佢哋會唔開心，攬住我隻腳，又話好唔捨得，又叫我唔好走；但次次我走咗之後，佢哋又無乜嘢，同佢哋視像講幾句就行開。」Lynn透露老公郭可頌早前於大灣區置業，她亦有打算買樓給雙胞胎女兒當嫁粧，她說︰「諗住將來買樓畀佢哋做嫁粧，唔可以失禮㗎嘛，盡量都想畀最好嘅佢哋。」

{{hket:inline-image name="e3f7a65b-f093-4b4d-bc98-a8b4c0a6dd71.jpg"}}{{/hket:inline-image}}

同場的林嘉欣直言到場前仍不知道活動詳情，但她透露今年是簽約林建岳旗下公司的第十年，笑言已拿了十年金牌。問她每年的酬金是否持續遞增？她笑笑口說︰「林博士（林建岳）心胸好廣闊，為人唔計較、好大方，大家合作得開心，好珍惜彼此嘅合作關係。

採訪：黃寶蓮