百佳50周年丨鄭秀文做「最型師奶」為超市代言 精明「鄭四萬」勁入屋老嫩都愛

超市百佳踏入50周年，8月生日便「入五」的鄭秀文（Sammi）獲邀擔任代言人。有「鄭四萬」之稱嘅Sammi形象健康，深受男女老幼喜愛，非常入屋。早前拍攝廣告時她表現興奮，大解放即場勁食薯片，亦到處探察商品擺位，儼如「黃老太」上身。

Sammi透露平日很喜歡逛這間超市，並有自己的一套精明路線，經常為屋企添置高質且至抵的日常用品、食材，與其中幾間超市的店員已混得熟絡，就像老街坊一樣，還被稱作「最型師奶」。她亦自認很師奶，愛儲印花換禮物，過程很生活化及有趣，非常有滿足感。

同場加映：父親節快樂丨陳少邦餅印囡囡Freya愛笑超可愛 陪產領會生之痛：孝順媽媽最重要

{{hket:ul-video id="5927"}}{{/hket:ul-video}}

{{hket:inline-image name="Whats.jpeg"}}{{/hket:inline-image}}

今日（17日）百佳隆重其事，舉行發布會，Sammi擔任50周年Chill級市場Mi姐做「黃老太」傳人，自言已熟記多個超市的慶祝活動及驚喜優惠，一定可以於消費同時儲到更多印花，仲好Hard Sell叫市民喺街上撞到佢嘅話，隨時考驗佢！

發布會上，代言人Sammi指自己同百佳「一拍即合」，個性同百佳一樣都係追求進步，唔會原地踏步，期望不斷有突破。主持人森美問Sammi有邊一首歌曲可以代表百佳？佢隨即講出自己兩首金曲《我們都是這樣長大的》以及《親密關係》，前者代表百佳伴隨香港人成長，後者則指市民同百佳喺互信關係下，得到開心同安心嘅購物體驗。

娛樂組