豬肉檔阿威喊住否認曾「行古惑」 自覺人紅是非多：紋身就唔係好人？

「荃灣豬肉檔AK」劉宋威（威威）因為「口罩顏」非常靚仔而受追捧，舉行大型生日時有逾百粉絲捧場，仲接拍大量廣告，又登上雜誌封面，近日仲疑似殺入TVB客串拍《愛．回家之開心速遞》（下稱《愛回家》），風頭一時無兩。

同場加映：父親節快樂丨陳少邦餅印囡囡Freya愛笑超可愛 陪產領會生之痛：孝順媽媽最重要

{{hket:ul-video id="5927"}}{{/hket:ul-video}}

威威爆紅亦令網上有關佢嘅黑歷史越爆越多，日前有網民爆料，自稱認識威威嘅前女友，並公開一張攝於10年前嘅照片，照片中疑似被威威嘅男子同樣有大幅紋身，身形略肥有小肚腩，外形並冇而家咁Sharp醒。該網民直指威威當年行「古惑」，有網民化身「先知」留言：「睇佢頭髮同紋身都估到」，又有人話紋身唔一定壞人，但壞人一定紋身；同時有網民「認親認戚」︰「我有朋友識佢之前個女友，話佢唔係好人，撈開『古惑』……之後先轉行切肉」、「佢玩過好多女人」……更有網民估計威威仍然「人在江湖」又同時係豬肉佬：「以前劈友，而家劈豬」。

{{hket:inline-image name="67.JPG"}}{{/hket:inline-image}}

威威連日受到網絡欺凌，對於起底、負評，今日佢聲淚俱下自拍，出片澄清：「首先我要澄清，我只係一個普通屋邨成長嘅人，基層出生，亦唔係大家所講黑社會……點解喺屋邨長大就係黑社會？點解有紋身就唔係好人？就要畀人歧視？點解我自己事業去賣豬肉，揸把刀就要去斬人哋？之前聽好多人講人紅是非多，一定會畀人攻擊，但如今自己親身感受到，係幾大壓力！幾唔開心！冇辦法！把口生喺人哋度，希望大家唔好標籤有紋身嘅人。其實我搵咗一個紋身師傅設計咗一幅圖，紀念『威威豬』，紀念番我自己呢刻嘅存在，遲啲畀大家睇。好多謝呢個零月支持我嘅朋友，都好愛護我關心我。」

好多網民都覺得成件事好騎呢：「其實紋身紋到咁嘅朋友應該唔會介意人講呢啲啩」、「睇到好尷尬」、「紋身唔係一定係黑社會，不過佢啲紋身同大佬B（吳志雄）好似」……網民攻擊威威，「威威豬」亦心痛，立即留言支持：「唔使理妒忌你的人」、「係人都有過去，就當佢講真咁又如何？而家係好人就得啦」。你哋又點睇呢？

撰文：黃蘊姿