尋人記II丨鐵粉艷輝愛足劉德華30年夠長情 「心算神童」拒出鏡：舊夢不須記

《尋人記II》昨晚（16日）播出的一集，見證到製作團隊的鍥而不捨精神，當中受訪對象「劉德華鐵粉」艷輝其實是去年第一輯的「目標人物」；早於年半前，方東昇等人透過歌迷會及到信和中心尋人，直至今年5月才成功跟艷華見面。尋人組在探討追星族文化的同時，戲劇性發現「瘦底」的韋家雄參加模仿近藤真彥的比賽，又再一次為觀眾帶來驚喜。

{{hket:inline-image name="35.jpg"}}{{/hket:inline-image}}

{{hket:inline-image name="06172001.jpg"}}{{/hket:inline-image}}

同場加映：王子邱勝翊期待棒棒堂合體紅館再聚 回復單身暫未敢嘗試網上情緣

{{hket:ul-video id="5942"}}{{/hket:ul-video}}

方東昇的「目標人物」是1992年節目《繁華路上廿五載》的訪問對象，就是當年17歲、剛畢業的劉德華粉絲「艷輝」，片段中見她身處旺角信和中心一間唱片舖，手持華仔合照跟老闆阿輝一同受訪。擁有大量珍藏的她，甚至會借給唱片舖作擺設。主持人問她喜歡華仔原因，艷輝毫不修飾表示：「靚仔囉！個個都咁講，又唔係得我一個。」

想知道艷輝多年後對華仔是否「一往情深」？可是歌迷會回覆無此人，而當年她常常幫襯的唱片舖亦已結業，艷輝同老闆阿輝音訊全無；方東昇等人遂向場內開業近30年的唱片店老闆區先生求助，想不到事隔一年時間，竟然成功搵到阿輝，並相約在信和中心見面。

尋人記II丨保哥憶昔日住難民營碌架床生活 「杯麵男孩」憑筆記簿千里尋母【下一頁】

原來阿輝已到內地發展，久不久才返港，意外被人野生捕獲。至於是否仍記得艷輝？阿輝說：「艷輝個人好直，相信而家性格都係咁爽朗，當時我哋係好朋友。」從阿輝身上取得資訊後，尋人組曾去秀茂坪尋找艷輝，但直至今年4月21日仍無進展，方東昇︰「喺尋人過程入面，類似『中途斷線』嘅情況並唔罕見，往往搵唔到，間中卻會突然尋到寶！」他所指的是在1985年《新聞透視》片段中一個「近藤真彥模仿面試活動」，驚喜發現一個身穿黃色長袖圓領Tee的年青人，竟然是藝員韋家雄；製作組於是去錄影廠求真相，韋家雄笑說：「真係我！嗰時都係貪慕虛榮，發明星夢想入行。（唔知道影咗你？）唔知，都冇份比賽，冇再聯絡我……記得當時有問過我，下次可唔可以着過第二件衫？我話可以。」

{{hket:inline-image name="06172004.jpg"}}{{/hket:inline-image}}

{{hket:inline-image name="06172009.jpg"}}{{/hket:inline-image}}

尋人記II丨好媽媽上堂學管教仔女用足30年 爸爸自嘲「茄哩啡」 連方東昇都甘拜下風【下一頁】

尋人組隊堅持年多後，透過艷輝舊公司的同事終於聯絡上她，並相約到將軍澳電視城見面，眾人還扮追星族迎接她前來，方東昇說：「呢一年半，如果唱片舖區生冇堅持尋找落去……如果阿輝唔記得咗艷輝舊公司個名……如果嗰間公司嘅同事唔肯多行一步搵艷輝嘅電話……只要出現其中一個『如果』，我哋今次都會係『白果』。今日係2022年5月23號朝早11點幾，我哋節目上星期首播，到而家仲係尋緊人，到而家仲係拍攝緊……」

追問艷輝對劉德華的「愛」有無改變，她說：「一樣喎！一樣咁鍾意！你好難搵到個藉口唔鍾意佢。（重溫受訪片段有咩感覺？）睇番呢條片，（我嘅對答）諗到就想答，或者我想講就講，但人大咗就唔會咁，青春不要臉，哈哈！」節目上，艷輝、阿輝在電視城內見面，二人敘舊，後者更送上一本珍藏30年的劉德華相集給予艷輝，隔住塊Mon都受到觸動。

（↓點擊放大睇圖片↓）

此外，於第一輯未能成功尋人的更包括精於心算的「神童輝」，他原名叫羅文輝，是70年代末期出現的算術神童，曾上電視表演心算四位加減數快過計數機，獲多份報章廣泛報道，雖然這次方東昇有緣跟他聯絡，神童卻不肯出鏡。方東昇說：「佢喺1985年受訪後，幾乎喺傳媒界消失，尋咗足足一年，終於搵到識佢嘅人，一個月後神童輝委託中間人傳話，『佢態度都平靜嘅，佢有講過舊夢不須記，逝去咗嘅往事都唔想再提起』。類似嘅個案遇到唔少，唔係人人鍾意話當年，更唔係人人希望畀人搵到，回首已晚，回頭太難。『舊聞主角』開展咗人生新一頁，寧願往事如煙，有人努力忘記過去，有人積極尋找自己過去。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】