愛回家｜「池美麗」鍾凱琪拎商務簽證飛日本做女強人 接受當地電視台訪問唱好香港

鍾凱琪於劇集《愛回家之開心速遞》飾演「池美麗」一角大受歡迎，不過現時劇情交代美麗正在日本打工遊學，對上一次客串演「吳旺達小姐」佳麗都已是4月的事，「回家」暫未有期。而最近鍾凱琪現身日本，不過就唔係打工遊學，而係搞民宿同傾生意，搖身一變成女強人！

{{hket:inline-image name="262811491_222177433385094_5648091747204740232_n.jpg"}}{{/hket:inline-image}}

同場加映：父親節快樂丨陳少邦餅印囡囡Freya愛笑超可愛 陪產領會生之痛：孝順媽媽最重要

{{hket:ul-video id="5927"}}{{/hket:ul-video}}

《晴報》聯絡到身在日本的鍾凱琪，她透露自己係拎商務簽證去日本公幹，「係呀，而家係日本，過嚟有生意要傾。今次嚟日本主要搞民宿同幫人搞日本留學，其實本身每年都要過嚟傾生意。」她又指過多兩星期就會返香港繼續教日文，問到幾時再返《愛回家》拍劇？鍾凱琪笑言：「呢個要等TVB安排，我都等返工。不過公司好好，有好多唔同工作機會，而家有啲都傾緊，但唔公布得住。」

{{hket:inline-image name="CHUNG03_600.jpeg"}}{{/hket:inline-image}}

而今次去日本，鍾凱琪可以寓工作於娛樂，公司更帶她周圍去食，令她非常開心。而在她行街的時候，更被日本電視台採訪。「佢問我係邊度嚟，又問我覺得香港有咩值得自豪，我就答咗香港嘅美食同夜景都好好。」原來該節目是日本綜藝談話節目《月曜夜未央》（月曜から夜更かし），節目以嬉笑怒罵及風趣幽默的方式播出，深受日本觀眾歡迎。遲些就可以在日本節目上見到她！

鍾凱琪是次亦有去試日本嘅譚仔，更同當地嘅譚仔「姐姐」Selfie，又大讚對方超級靚女，可以出道做女團咁話！她說：「日本嘅譚仔真係唔同味道，湯底無咁濃，佢嘅菜係用日本嘅菜代替，蒜泥白肉比較辣。同埋日本嘅譚仔姐姐真係幾靚女，哥哥都好靚仔！」

愛回家丨池美麗影婚紗相莫非要嫁畀柏豪？ 鍾凱琪：肥不是罪 不代表不想漂亮【下一頁】

撰文：林惠珊