雙料視帝｜鄭嘉穎爆兩子勁鍾意爸爸扮恐龍 Rafael見「真身」嚇到卡都打唔到

鄭嘉穎同陳凱琳（Grace）這對恩愛夫妻，育有一對寶貝兒子大仔鄭承悅（Rafael）及細仔鄭承亮（Yannick），兩公婆可謂「錫到燶」，嘉穎自爆家中經常扮恐龍𠱁仔，每一次愛兒都要他encore再扮；爸爸既為「雙料視帝」，扮恐龍自然手到拿來，Rafael同Yannick一定睇得好開心。

{{hket:inline-image name="K2.jpg"}}{{/hket:inline-image}}

{{hket:inline-image name="K1.jpg"}}{{/hket:inline-image}}

同場加映：王子邱勝翊期待棒棒堂合體紅館再聚 回復單身暫未敢嘗試網上情緣

{{hket:ul-video id="5942"}}{{/hket:ul-video}}

日前，嘉穎一家四口再次出動，去海港城海運觀點平台睇機動恐龍展，感受1比1的機動暴龍有幾震撼。當Rafael見到身高4.6米、長12米的機動君王暴龍，就算平日好喜歡T-rex暴龍，竟然即場被嚇怕，並躲到嘉穎身後哇哇大叫。嘉穎連忙作出安撫，才令Rafael從後偷望。眼見Rafael冷靜放鬆下來，Grace便充當「專業」攝影師，極速幫兩父子拍照，可是細仔Yannick卻未有出鏡；而Grace更露出玉背，成為這輯相另一焦點。

母親節快樂丨陳凱琳鄭嘉穎與兩子興奮水戰 「溜冰皇后」柏安妮母女溫馨互動【下一頁】

嘉穎事後笑說：「實不相瞞…其實我喺屋企經常會扮恐龍同兩個仔玩，每一次佢哋都要我encore，要我繼續扮落去。所以今次知道海港城有恐龍展，我哋當然第一時間想去影相打卡啦！點知嚟到現場，先發現隻恐龍原來好大隻好真實，仲會郁添！兩個仔都有啲驚…最終都係要抱住大仔先肯影兩張相，唔緊要，惟有做爸爸嘅擺多幾個甫士，影多幾張相留念，等佢哋兩個大啲時再畀番佢哋睇。」雖然一家人未有同恐龍影合照，他坦言這日同家人一起外出很開心，皆因疫情期間多留在家中，而今年父親節亦會選擇在家食飯慶祝。

（↓點擊放大睇圖片↓）

此外，Coffee林芊妤早前同老公翟志榮和兒子伯伯，到現場搵機動暴龍打卡，Coffee踢爆愛兒勁興奮，事後不斷同人講。最爆笑是幾日後，一家三口去睇電影《侏羅紀世界：統治霸權》，Coffee竟被嚇親，伯伯窩心同媽媽講大︰「好驚就攬實我啦！」

娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】