十八年後的終極告白2.0｜《愛回家》宅男Mouse變身做探員對白多 吳展驊港大畢業棄做會計師入行

吳展驊（George）在《愛回家之開心速遞》（下稱《愛回家》）中，飾演IT三子之一嘅宅男「Mouse」而為人認識，而家播出嘅劇集《十八年後的終極告白2.0》亦可見到佢蹤影，戲份同對白更係佢入行9年以來最多。

{{hket:inline-image name="ng.png"}}{{/hket:inline-image}}

同場加映：父親節快樂丨陳少邦餅印囡囡Freya愛笑超可愛 陪產領會生之痛：孝順媽媽最重要

{{hket:ul-video id="5927"}}{{/hket:ul-video}}

George接受《晴報》訪問，透露今次《十八年後的終極告白2.0》飾演便衣探員「阿榮」係佢入行以來，難度最高嘅角色。佢話：「今次呢個人物，我係第一次跟住整套劇條主線去查案，當中比較複雜嘅係，我要同時間記熟每一個時間點發生嘅案情，但案件不斷有新發展、新發現，我腦裏面需要同時記住不同版本嘅案情；對我嚟講係吃力嘅，因為咁多表演機會，之前比較少有。」

平時在《愛回家》演開宅男Mouse嘅佢續指，在初時，與監製王偉仁所期望嘅表現有落差，未完全進入探員「阿榮」領域之中：「因為沉浸喺喜感演繹上太耐嘞！慣咗用輕鬆節奏去演繹。最後要靠監製提點『你係演警察呀』，神態、動靜都要跟足。」

George又表示好鍾意「阿榮」同「宅男Mouse」兩個角色，「始終宅男Mouse同我個人性格吻合，我能夠發揮自如；而探員阿榮就畀到我新嘅思路同方向去呈現內心戲。」

{{hket:inline-image name="ng4.png"}}{{/hket:inline-image}}

George對電視行業充滿興趣，因此大學未畢業就已經去報讀藝員訓練班，當時樂易玲等TVB高層希望佢先完成學位再來報讀；2013年佢喺香港大學畢業，半年後終於如願加入TVB做演員。

問到當時讀會計嘅佢為何會棄做會計師，選擇演員之路？George表示自己由細到大都係電視迷，「每一日放學後最期待嘅就係睇電視！晚晚一定係電視送飯。」

{{hket:inline-image name="423.jpeg"}}{{/hket:inline-image}}

十八年後的終極告白2.0｜27歲鄧卓殷演細13年學生妹被讚無違和感 港大高材生棄做建築師入行追夢【下一頁】

不過入行9年來，George嘅演出機會唔算多，做親都係小角色。佢坦言都諗過放棄做演員，每一刻都想過離開。「尤其係入行初期人工微薄，放棄做演員嘅念頭成日湧現，每每在同屆中學、大學同輩中，甚至後幾輩……有比較下就覺得自己選擇錯誤。但每一次當我有機會同一班同事一起創作時，喜悅又真係千金不換！」

現年30歲嘅George續指：「如果我選擇離開，將來後悔嘅就會係我冇機會再同CPU、Laptop、Ivan（《愛回家》接龍集團IT部職員，分別由譚坤倫、孟希璘、鄧永健飾演）佢哋一齊絞盡腦汁，為觀眾帶來歡笑；冇機會再同《愛回家》以至TVB所有台前幕後等人，一齊創造娛樂節目畀大家睇！比較之下，當我現在還夠錢生活，我家人還能夠支持我時，我仍然會努力行落去！」

十八年後的終極告白2.0｜趙希洛色誘譚俊彥反擊陳山聰 網友估殺阮兒嘅兇手唔係曹永廉？【下一頁】

撰文：林惠珊