COLLAR出道遇疫情靠直播聯繫Fans Candy爆：不斷食係為咗掩飾尷尬

ViuTV舉辦的《全民造星IV》成功締造出女團COLLAR，可惜出道不久就遇上香港爆發第五波疫情，連帶出道的演唱會都被迫押後。八位成員未有因此而沮喪，反而更珍惜每一次表演的機會，希望每一次更加進步。雖然未能跟「領粉」們常見面，她們勤力地輪流開直播，希望拉近跟大家的距離。

同場加映：王子邱勝翊期待棒棒堂合體紅館再聚 回復單身暫未敢嘗試網上情緣

{{hket:ul-video id="5942"}}{{/hket:ul-video}}

COLLAR處女唱丨孖Winka率先開首個音樂會 So Ching擔心唱得差被人話【下一頁】

{{hket:inline-image name="DSC00356.jpg"}}{{/hket:inline-image}}

{{hket:inline-image name="DSC00347.jpg"}}{{/hket:inline-image}}

《我哋係COLLAR》早前圓滿地播放完畢，觀眾透過節目對COLLAR八位女生（沈貞巧Gao、王家晴Candy、許軼Day、蘇雅琳Ivy、邱彥筒Marf、蘇芷晴So Ching、李芯駖Sumling和陳泳伽Winka）有著深一層次的認識。她們坦言收看節目時有無盡的感觸、感動，雖然有網民批評比以往的《MIRROR GO》或《花姐ERROR》等節目沉悶，她們卻樂在其中，特別是得知負責不同範疇的工作人員怎樣為她們塑造形象，令女生們大感幸福。

正所謂相見好，同住難，COLLAR曾經共住三日兩夜，問到是否真的能夠「同居」生活？So Ching認為無問題，前提要請個工人姐姐。Marf反而認為家務要一齊分擔，寫好規矩分工，相信出問題的機會不多，例如輪更打掃地方、亂掉垃圾就要罰錢等。至於Winka說：「幸好八個女仔都唔污糟，只係凌亂……亂中有序嘅！」So Ching笑言：「一齊住有個好處係大家有咩需要都可以分享，化妝品、護膚品之類，萬一姨媽到，隨手都可以借用姨媽巾，真係好方便！」

我哋係COLLAR丨COLLAR首個真人騷剖析成員真面目 Gao爆Winka沖涼沖得最耐【下一頁】

受到疫情影響，原定3月底舉行的演唱會被迫延期（暫定順延至年尾舉行）。COLLAR早前獲邀擔任張敬軒演唱會的嘉賓，小試牛刀，意見好壞參半，大有進步的空間。八位成員不時乖乖在網上直播，跟粉絲互動、拉鄗距離，Candy表示：「我當開Live係一種訓練，因為自己轉數唔快，對答時係要組織一段時間，之前《全民造星IV》開Live，喺圖書館Live，我夠膽死5分鐘dead air睇晒啲問題……唔識答，唔知答啲乜嘢。而家可以做即時互動，轉數快咗少少咁啦！（大部分成員都係『吃播』？）食嘢其實都係為咗掩飾……掩飾諗唔到答咩內容，哈哈！」

{{hket:inline-image name="DSC00353.jpg"}}{{/hket:inline-image}}

最為食的Day完全同意，她說：「我都係咁諗，做網上直播時，講嘢唔係好習慣。成日見到其他藝人好自然，我仲係有少少尷尬，食嘢係可以令個人輕鬆少少、causal少少，冇咁緊張。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉