珍寶海鮮舫正式移離香港太傷感 眾星感慨「穿越時空」甫舊相打卡

坐落香港仔海旁嘅珍寶海鮮舫，原有牌照喺6月中到期，母公司原本有意無償捐贈畀其他企業，但因為一直未有人接手，所以母公司決定將珍寶海鮮舫拖離香港。過往香港多部電影曾經喺珍寶海鮮舫取景，包括《食神》史提芬周同唐牛最後一戰、《無間道II》吳鎮宇參與酒會一幕，係香港人嘅集體回憶。

同場加映：  王子邱勝翊期待棒棒堂合體紅館再聚 回復單身暫未敢嘗試網上情緣

{{hket:ul-video id="5942"}}{{/hket:ul-video}}

昨日有不少市民到香港仔避風塘，趁海鮮舫離港前懷緬一番。有船家指珍寶曾被喻為「香港海上食府」，吸引全世界旅客慕名而來，亦養活了一大批船家，預計珍寶移走後生意大跌超過五成，相當感慨。珍寶海鮮舫環境有濃厚中國特色，係唔少明星都會慕名而去嘅食府，亦係取景好去處。唔少明星都出Post懷緬，大表不捨之情。

{{hket:inline-image name="ad506d5663fa33f7939b396f59e00d42.jpg"}}{{/hket:inline-image}}

其中楊洛婷懷孕到囡囡成長後都有珍寶海鮮舫「見證」，佢留言：「So many celebrations 🎉 So many memories💕 It's time to say goodbye, yet good luck on your new adventure!（好多場慶祝活動……有好多回憶💕 是時候說再見了，但祝「你」的新歷險好運！」另外，喺珍寶海鮮舫擺婚宴嘅趙學而都上載咗佢喺該處拍嘅短片，感慨留言：「曾經，有啲地方，發生過嘅事，對於我，對於你，對於我哋，可能永遠都唔會忘記。假如，再一次返到去嗰個地方，你又會記起咩事？ 記起邊啲人？」

香港仔飲食集團發聲明：「在過去46年，珍寶海鮮舫佇立港島南區，成為居民及旅客駐足注目的獨特地標，與中外客人締造美好集體回憶，深感榮幸，對大家關懷愛護，衷心致謝。」珍寶海鮮舫移離本港後會前往東南亞進行維修。香港仔飲食集團表示，已為海鮮舫物色到新泊位，為免過程受干擾，未能透露具體停泊地點。

香港仔珍寶海鮮舫有逾70年歷史，近年由「賭王」何鴻燊家族嘅香港仔飲食集團擁有，香港仔飲食集團為何鴻燊兒子何猷龍新濠國際旗下。昨日於接近中午12時，珍寶海鮮舫由多艘護航船拖走，大約半小時就離開原有位置，正式移離香港仔避風塘，並慢慢地離開香港。