東張西望丨一蚊Joe寸港聞記者反被圍插 大量神秘AC留言支持疑課金洗版

「一蚊Joe」游莨維擔任TVB節目《東張西望》外景主持15年，日前佢到中環蘇豪區採訪雲咸街槍擊案時，疑因為與在場記者發生衝突，喺Facebook出Post寸對方。不過Post一出，一蚊Joe不但圍唔到爐，更反被鬧爆，雖然喺三小時後刪咗Post，但已引起牽然大波。

同場加映： 王子邱勝翊期待棒棒堂合體紅館再聚 回復單身暫未敢嘗試網上情緣

{{hket:ul-video id="5942"}}{{/hket:ul-video}}

一蚊Joe日前到中環採訪槍擊案時疑與在場港聞記者發生衝突，佢事後喺Facebook出Post：「MJ我雖然唔係 #港聞記者，但係2010年我採訪 #馬尼拉人質事件 嘅時候，你畢業未呀，港聞記者？」帖文一出即惹眾怒，網民不滿佢用「老屎忽」態度以年資壓人，又不齒佢用「馬尼拉人質事件」呢個港殤嚟耀武揚威。網民又認為《東張西望》非正式新聞節目，唔應該妨礙港聞記者採訪工作。

{{hket:inline-image name="248084188_397300968723545_8230920702014264207_n.jpg"}}{{/hket:inline-image}}

3小時後一蚊Joe刪去帖文，改發千字文交代事件，形容自己「四不該」：「不該勞氣，因為『冷嘲熱諷』已經聽得太多、不該稱呼該『工作人員』為港聞記者、不該引用馬尼拉人質事件、不該認真？但我確信做任何事應該『尊重自己的專業』。」

不過網民完全唔收貨，見佢講到「專業」反應更激烈，翻出一蚊Joe以往採訪的「乞人憎」行為。有人指出2016年一蚊Joe採訪亞洲電視倒閉時，連番追問留守到最後嘅新聞主播：「你而家係咪失業呀？」當對方冇回應時佢更加藐嘴，被網民批評感覺似幸災樂禍。

網民翻出他過往採訪「乞人憎」行為之餘，又不斷留言狠批：「東張西望每日每夜都侮辱緊全香港記者」、「對方冇講錯你喎，阻住晒」、「你好明顯將新聞採訪變成八婆內容就已經係唔專業啦。」又翻查舊帳並諷刺一蚊Joe當年在「馬尼拉事件」中亦只問了兩條無關痛癢的問題。

有網民不斷湧入鬧爆；同時亦有大批疑似「殭屍帳戶」嘅「網民」洗版式留言表示支持佢，不過就將佢嘅經典兒童節目角色「Master Joe」打成「Monster Joe」，令人諦笑皆非。有人質疑係一蚊Joe本人課金買留言，想「洗淡」大量批評留言。

圖片來源：INSTAGRAM

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】