葉璇古典美人樣只待成追憶 42歲抖音拍片變面阿媽都認唔到

現年42歲的葉璇1999年代表美國紐約到香港參選《國際華裔小姐競選》，取得冠軍及「最具古典美態獎」，一直以嚟都係公認嘅美女。主力喺內地發展嘅佢，除咗拍劇之外，更加係綜藝節目常客，仲不時會拍爆料片放上網，Keep住人氣！夠「是非」外，葉璇嘅外形一直係佢最引人關注嘅地方，近年不時指佢身形暴脹，而五官都不斷進化，早前拍嘅一條片又再變樣，唔少人都話已經完全認佢唔到！

同場加映： 王子邱勝翊期待棒棒堂合體紅館再聚 回復單身暫未敢嘗試網上情緣

{{hket:ul-video id="5942"}}{{/hket:ul-video}}

{{hket:inline-image name="6eb7914a4f2c9ace28e7ce975768b43f.jpg"}}{{/hket:inline-image}}

葉璇喺抖音不時拍片更新近況，6月初上載的一段片段，喺片段中大講自己對愛情嘅看法，表示有質嘅感情互動，會令人變得溫柔又可愛，話「愛就是有讓人隨時隨刻變成小孩子的魔力啊」。唔知係冇愛情滋潤定係加咗濾鏡，佢嘅樣貌唔同晒，陌生到睇足1分鐘都唔能夠認到係邊個，以為只係一個普通、無名嘅內地女星。

葉璇着上鮮色衫，一頭黑長髮，有年輕嘅感覺，不過驟眼看根本就唔會知道係佢本人。變得尖長的臉型，加上深深的眼袋同櫻桃小嘴，完全變咗另一個人。大量網民留言話根本唔知係佢︰「怎麼變樣了」、「是用濾鏡瘦臉了嗎」、「感覺很怪」、「這個不是本人吧」、「這是誰」、「是甚麼原因居然讓我一眼沒認出你」、「沒認出來」、「你媽媽認得你嗎」等等。唔少人都講喜歡佢舊時個樣，舊時個樣比較有個人特色，而唔係好似而家咁，同中國其他網紅一樣倒模出嚟。

撰文：黃蘊姿