沈震軒演回歸劇掀Unfollow潮 網民鬧為五斗米折腰發長文解釋

現年39歲嘅沈震軒2016年離開TVB，之後曾為ViuTV拍劇，近年就密密北上搵真銀。日前佢喺社交網站分享自己主演香港回歸25周年嘅廣播劇《香江兄弟》同劇集《獅子山下的故事》，又Post宣傳海報，表示自己有份演唱主題曲《夢想成真》係「工作上嘅技能解鎖」。不過就引嚟好多網民嘅不滿，表示對佢嘅選擇感到失望並指要unfollow，沈震軒回應網民留言回應，並且以千字文向批評佢嘅網民表明自己立場。

同場加映： 父親節快樂丨陳少邦餅印囡囡Freya愛笑超可愛 陪產領會生之痛：孝順媽媽最重要

{{hket:ul-video id="5927"}}{{/hket:ul-video}}

沈震軒配上爆肌相發長文：「今天很想跟大家分享我看重的『專業』這兩個字。從前我一直深信少說話多做事。『在沉默中努力，讓成功自己發聲』這個道理我一直堅守著。但現在我學會在我自己的社交平台為自己多發一點聲音。原因是我發現有些事原來像從前那樣沉默不回應去面對流言蜚語，大家便會覺得我心中有愧，所以不敢出聲，然後最終認為我默認了。這一點讓我明白到『教育』真的很重要。不是每一個人也像我一樣接受相同的教育，像我一樣心智成熟去分析何謂對與錯。所以在現今社會，尤其是在社交網絡的發達之下，更加要好好保護自己。傳達自己真正想傳達的正確信息給大家。我喜歡表演藝術娛樂事業。戲劇裡的世界尤其令我著迷。希望在我仍在積極地從事我的演藝工作的期間，能遇到真正的知音人們和真正的觀眾們。」

{{hket:inline-image name="329764f91724da97a02b2ae7b81634adsaasftp20200221.jpg"}}{{/hket:inline-image}}

事後沈震軒刪除咗自己提到「娛樂不應該扯上政治」嘅一段：「可惜的是現在世界各地也讓政治滲透在每一個角落。東方國家不用我多說大家也明白。現在連西方國家就像連我喜歡的Marvel, Disney也逐漸變得『政治正確』大於戲劇創作本身，所以表演藝術者的工作在現今社會變得越來越難。難不在於在熒幕前演戲，難是在於如何演好熒幕下的那一場戲，在香港尤其嚴重。」

唔少網民都留言表示對沈震軒感到失望，指佢表示自己「受過教育」，暗踩其他人心智唔成熟，但其實都係為錢：「咁明顯嘅嘢無謂講到咁正義咁有藝術氣質啦。大陸畀得錢多唔係去大陸囉。抖音sell吓波鞋sell吓零食大把錢收，easy money。唔好講啲咩藝唔藝術, 專唔專業啦。」沈震軒就回覆指喺娛圈搵錢生活唔容易：「抖音直播咁我都冇諗過我會去做呢樣嘢，但係人越大越要學識喺金錢同藝術上邊攞一個平衡。每一個人喺佢自己嘅生活上邊去努力都有佢自己嘅故事。」

都有好多fans留言表示認同沈震軒，話只係希望多啲見到佢嘅作品，亦見到佢一路以來嘅努力，唔應該畀立場抹殺佢嘅汗水，並指會繼續支持沈震軒嘅演藝工作。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】