舊日的足跡丨喬寶寶棄選千萬富婆獨愛喬嫂嫂 打4針陪媽媽旅遊：我係Superman

喬寶寶已移居蘇格蘭兩年，近日他接受車淑梅電台節目《舊日的足跡》訪問，他表示因兒子的健康問題，放下香港的工作移居蘇格蘭。不過一直記掛香港：「蘇格蘭親戚多，香港朋友多，氣氛都唔同。我好掛住女人街同廟街嘅街頭美食， 好似篤魚蛋同絲襪奶茶。喺呢邊好少遇上華人，要睇中文電視就要買盒仔，我希望我個孫學多啲廣東話。我好掛住香港，想疫情好番啲就返去。如果有得搵快錢，工作快靚正，隔離七日冇問題。我已經打咗四針，我係Superman！我老婆同阿媽最近都中咗招，不過佢哋都打咗針。」

同場加映：父親節快樂丨陳少邦餅印囡囡Freya愛笑超可愛 陪產領會生之痛：孝順媽媽最重要

{{hket:ul-video id="5927"}}{{/hket:ul-video}}

好人好事│喬寶寶搭的士大懵遺漏手機 的士司機無條件折返原處交還【下一頁】

{{hket:inline-image name="800_664b75de65cd6554f71527247d00261b.jpg"}}{{/hket:inline-image}}

孝順仔喬寶寶早前帶媽媽去加拿大，開闊眼界，「我哋南亞裔人唔會將爸爸媽媽送入老人院，一定陪伴喺身邊。有時老婆唔喺屋企，老媽要沖涼、換衫、梳洗等，我都會做。我希望（自己）仔女見到會有樣學樣。潮流會變，但親情唔會變！」喬寶寶自言是個易滿足的人，剛滿52歲處於半退休狀態，最想拍一套關於自己人生的正能量電影。

喬寶寶自爆中四時為了拍拖將頭頂上的髮髻剪掉，把媽媽氣哭了。「佢（媽媽）一直唔准我娶香港女仔。我19歲，佢畀三張女仔相我揀，有加拿大印度西施、英國印度西施、印度嘅印度西施。第一個係千萬富婆，不過已經有細路，我麻麻地（鍾意）。第二個係百萬富婆，但佢嘅體型同我差唔多，我驚洞房時會砸親我。第三個就係而家嘅喬嫂嫂，佢家族同我哋差唔多，擁有16個大球場嘅土地。阿媽算盤打得響，照傳統婚禮全由女家負責開支，我又唔貪錢嘅，哈哈哈！佢大我四年，個樣唔錯，係大學生，而我只係中學生。我結婚帶住乜嘢去？帶咗套西裝同牙刷囉！」

【3層樓揸手】喬寶寶蘇格蘭5千呎獨立屋全曝光 同大仔狂掃物業做「收租父子兵」【下一頁】

喬寶寶2005年參加電視節目《殘酷一叮》，成為第一代「叮王」。「我當時喺懲教處工作，要押啲犯人去法庭，啲犯成日都話『你鎖我啦，我要比喬寶寶鎖』，真係唔知好嬲定好笑。嗰年我做咗叮王，曾蔭權做咗特首。有次真係咁啱佢第一次落區搭地鐵，我哋竟然坐埋同一卡車。突然隔籬個阿叔問我『Where are you going？』我話我識講中文，但佢全程都同我講英文。望吓望吓原來佢唔係一般阿叔，係特首曾陰權。佢搭地鐵，冇打煲呔，憑佢嘅語氣我知道佢一定有睇《殘酷一叮》。咁我咪恭喜佢，佢又恭喜我。跟住我見到有一個人影我哋相，我係懲教人員好機警，第一時間坐番正，又（同特首）握手。冇幾耐總部打嚟話電視台要訪問我，因為特首辦發咗相。嗰日午間新聞嘅第一單新聞就係我同特首一齊坐地鐵，啲報紙我全部留到而家。」

{{hket:inline-image name="287502919_567082638120207_6264629149404190615_n.jpg"}}{{/hket:inline-image}}

喬寶寶在香港出生，已認定自己是香港人。「我希望逆境好快過去，永遠要正面去睇人生。人有三衰六旺， 點解一定要將注意力集中喺衰嗰方面？無嘢係無可能，勤力啲，回報可能喺今日、聽日或者後日，我相信回報一定會嚟！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉