東張西望丨一蚊Joe自詡經驗老到狂寸港聞記者 刪PO出文道歉認四不該仍惹眾怒

《東張西望》主持游莨維（一蚊Joe）昨日在社交平台分享一張採訪的花絮照，不過留言的言裡行間充滿「火藥味」，一蚊Joe的照片是昨日在中環採訪期間拍攝，他伸手自拍，手持TVB的咪牌，背景正是一批記者，一蚊Joe寸爆留言說：「MJ（游莨維稱號Master Joe簡稱）我雖然唔係 #港聞記者，但係2010年我採訪 #馬尼拉人質事件 嘅時候，你畢業未呀，港聞記者？」

同場加映：城城鎮宇相隔22年再合作 演跆拳道律師但要鎮宇拯救

{{hket:ul-video id="5903"}}{{/hket:ul-video}}

東張西望丨一蚊Joe街訪連施永青都認唔到？ 梁敏巧捽碟式訪問12秒重複問題3次【下一頁】

{{hket:inline-image name="dacc753c-6378-4c85-8857-703420562d8e.jpg"}}{{/hket:inline-image}}

{{hket:inline-image name="273972240_652458422752430_6116090805318170980_n.jpg"}}{{/hket:inline-image}}

一蚊Joe在FB寫的這幾句說話非常大口氣，暗寸眼前這群港聞記者經驗不及他多，不少都好奇到底現場發生甚麼事。一蚊Joe的言論遭到網友炮轟，認為他嚚張自大，冷嘲熱諷，亦鬧爆《東張西望》是節目不應該阻礙港聞記者工作，加上一蚊Joe刻意「挑機」仲Hashtag埋「港聞記者」，有欠尊重。一蚊Joe事隔3個小時後刪Post，隨後再出長文公開致歉，內容如下：

『怒時不言，惱時不爭，敗時不喪，亂時不決』

=======================

事原做「咪兜圍訪」，要鬥快擺咪，爭取中間位置～ 喺擺咪同收咪嘅時候被一位後生嘅「工作人員」不斷單打，話『東張西望都嚟採訪，阻住晒～』

其實「做嘢啫」，你有你採訪，我有我做訪問～ 自問由2008 年「事必關己」開始，已經開始採訪生涯，當中受過的冷眼和冷言冷語已經不計其數。結果今次谷住啖氣，出咗個post，真不該～

1）不該勞氣，因為「冷嘲熱諷」已經聽得太多，就係唔知點解今次會「著咗」～ 如果一笑置之，根本唔會有件咁嘅事發生～

2）不該稱呼該「工作人員」為 #港聞記者，因為再三思量，其實佢應該係一位後生嘅技術人員。應該體諒喺落雨嘅情況，要做好新聞採訪，大家都不容易。

3）不該引用 #馬尼拉人質事件 ～ 因為是我採訪生涯感受最深的一次。但忽略會勾起相關人士的回憶，是我不對！

亦因此決定刪除前post。並在此鄭重向「事件」影響的所有人道歉，對不起

4）不該「認真」？但我確信做任何事應該『尊重自己的專業』！

因為易地而處，如果我去做採訪，係翹埋雙手等收工，咁就真係「阻住晒」

好似今次，我問咗「對上一次持槍傷人係幾時嘅事？」

而當我想問「非華裔刀手，有幾多個揸行街紙？」嘅時候，我尊重記者會剩返最後兩條問題，所以冇問～

========================

未來，我會繼續做好我嘅採訪工作，I shall stay calm & let the results speak.

「一蚊Joe」被爆違限聚令認疏忽 14年前《一擲千金》灑下男兒淚【下一頁】

一蚊Joe的道歉並沒有平息事件，不少網友認為他曾重點，紛紛留言繼續「教訓」，「如果是『認真尊重專業』，那麼我也期待您除了拎支咪採訪外，認真想清楚在採訪場合每一步背後的真正意思為何。」、「Journalist係專業，唔係拿住一個咪周圍扑就係記者。」、「睇你問出嚟條問題就知唔認真，呢啲做少少功課一個新人記者都查到嘅嘢你浪費全世界時間同埋問問題嘅限額嚟問？」、「作為前輩，係咪唔應該出一個『你畢業未呀，港聞記者』嘅post出嚟挑機呢？」、「本身可以係無問題，只要謙卑少少承認呢個唔係自己專業，去到其他人的主場，學習吓適應吓，其實唔係真係咁難。」、「你做得耐唔代表你比別人專業，《東張西望》呢個節目更加唔會比港聞專業。」等等。一蚊Joe繼續惹眾怒，不過他和《東張西望》亦沒有再回應事件。

一蚊Joe在《東張西望》擔任外景主持15年，早前街訪撞正著名商人施永青，網友笑他認不出人，他同樣自詡「認人」最叻，暗指是剪接問題才令觀眾誤會他面盲。而在疫情期間，一蚊Joe在食店跟《東張》工作人員用膳時疑違犯當時的限聚令，後來事件被揭發後公開致歉。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉