黃子雄爆年輕演員做低頭族唔叫人 「可能未必知我係邊個」

不少資深演員在娛樂圈打滾多年，但觀眾往往只會記住他們的角色名字，而真名就「噏到口唇邊」都說不出來。黃子雄入行27年，他透露年青一輩演員或許不認識自己，但他從不介意，直言能夠做到資深的甘草演員已深感榮幸。

同場加映：父親節快樂丨陳少邦餅印囡囡Freya愛笑超可愛 陪產領會生之痛：孝順媽媽最重要

{{hket:ul-video id="5927"}}{{/hket:ul-video}}

{{hket:inline-image name="11.jpg"}}{{/hket:inline-image}}

黃子雄近日接受陳圖安主持的港台節目《安哥同學會》訪問，提到他與不少年輕一輩演員合作，他們會如何稱呼他？黃子雄笑住表示「佢哋係唔叫我」，他坦言年代不同，年青一輩的世界只顧看手機，不會刻意跟別人交流，又或者根本不知道他是誰，他續說：「其實冇問題嘅，每個Generation（年代）有佢哋做嘅嘢，我入行嘅時候，其實好興奮，因為我細個睇電視見到啲演員，而家有機會同場合作，所以我一行入化妝間，一定同每個演員講早晨，當然有啲前輩都唔會睬你㗎，因為佢唔知你係邊個吖嘛，冇所謂，總之我做好自己嘅本分。」

御用有錢人︳黃子雄初拍床上最驚有生理反應 不婚原因：唔覺得需要養另一半【下一頁】
縱使入行已27年，仍然有人不知道他叫黃子雄，但他表示不介意，「我以前做明珠台，當時嘅收視率，好多時1點（收視點）都唔夠，所以出到街，我唔覺得你一定會識我，入咗行咁耐，最重要有兩樣嘢，第一，唔好覺得自己好重要，人哋笑你，寫你唔好，你唔好介意，最緊要你知道自己做緊娛樂事業，你做好自己嘅工作，做好自己嘅本分就得喇，紅與唔紅，其實係彩數。我認識好多好好嘅甘草演員，套戲如果冇咗佢哋係唔得，但可能真係未必有人認識佢真名，呢啲係好重要。人哋問我介唔介意啲人叫我做甘草，如果我做到一個資深嘅甘草，其實我都覺得好榮幸。第二，係際遇，只要搵到工作上嘅快樂，其實我OK，唔使特別要係天王巨星，唔係你就唔係你。」

【金宵大廈】黃子雄與前度拍拖8年從冇送花 英國回流混血男神靠一人救助？【下一頁】

1995年，黃子雄為明珠台一個節目負責主持兼撰稿，相隔兩年，他被戲劇組睇中，獲邀演出處境劇《真情》，飾演「徐應變」這個雙性戀角色，黃子雄說：「收到呢個邀請，我好開心，但就要諗吓點樣演喎，佢哋叫我演番一個平常人就得，唔使女性化，反而飾演我男朋友嗰位演員，佢就比較女性化。」

黃子雄除了拍劇之外，還有不少主持工作，所以他當時的確有點擔心，怕「徐應變」一角會影響到他的主持工作，「以前啲人嘅思想冇咁開放，我都驚有啲客會對號入座，覺得你演你就係同性戀，佢就唔想搵我（做主持工作），所以我都有同監製（徐遇安）講，有一、兩場戲，我係唔想咁樣演；監製都非常之好，佢肯畀我唔跟劇本做，但我相信因為咁樣，年少無知咁講咗一啲嘢，尤其是我係新人，可能都會令到製作團隊（對我）卻步。『呢個人係乜嘢啫，其他人收到劇本都係咁演㗎啦，呢個人就唔想演』。我覺得可能分分鐘我係一個阻礙，始終當時係一個新人......而家做咗咁多年，提出建議，會多啲人肯Buy我講嘅嘢，因為我有經驗。」

夏竹欣與黃子雄8年情未收過禮 39歲享受單身 綠葉轉行竟年薪過百萬【下一頁】

{{hket:inline-image name="27.jpg"}}{{/hket:inline-image}}

做演員最怕被角色定型，黃子雄經常被安排飾演有錢佬、專業人士等等，他說：「我唔介意做呢類角色，但我想個角色要有深度，我好怕做對白工具，尤其是拍一啲同廉政有關嘅劇，個Case好複雜，我要去解釋。我記得有場戲，我哋3個演員不斷NG，我唔係抬高自己，我係一個少數要NG嘅演員，但嗰啲對白真係好Click，又唔錯得喎，我覺得好死板。」幸運地，他遇上了劇集《金宵大廈》，在劇中飾演前江湖大佬「佳爺」，在《金宵大廈2》飾演吳乃強，黃子雄說：「好多謝葉鎮輝監製，佢係少數監製肯畀我做一啲唔係我做開嘅角色。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】