衛蘭三場紅館騷門票極速售罄 涉足製作盼與樂迷驅走「疫」境

曾唱紅《大哥》、《離家出走》及《心亂如麻》等多首金曲的衛蘭（Janice），將在下月9至11日連開三場紅館個唱。Janice第五度踏上紅館舞台，三場門票於昨晨公售，未夠一日已極速售馨，叫座力不減。Janice希望為受疫情煎熬兩年多的樂迷打氣，亦想在個唱多作嘗試，除了參與舊歌的重新編曲，舞台、服裝也有給意見，「以前細個乜都唔識，大過咗多咗自己諗法，希望同大家分享！」

同場加映：人間飄浮丨黃劍文一步之念 險隨母親做傻事 學懂珍惜：愛真係要講出口

{{hket:ul-video id="5897"}}{{/hket:ul-video}}

{{hket:inline-image name="skllme20220511109.JPG"}}{{/hket:inline-image}}

上月初，衛蘭忽然蒙眼拍片化身華納高層，宣布七月在紅館舉行《Janice Vidal Be Still Live 2022》，令餓足多時的樂迷興奮不已。日前Janice受訪時笑言是刻意用較輕鬆的方式公布好消息，「我想無咁serious（嚴肅）去講，其實今次開騷加咗好多自己嘅想法，希望帶多啲新嘢畀觀眾，好似舞台、服裝設計都有畀意見，舊歌重新編曲都有幫手。望同以前相比，大家睇到一個不一樣嘅騷。」

{{hket:inline-image name="skllme20220511112.JPG"}}{{/hket:inline-image}}

{{hket:inline-image name="J22.JPG"}}{{/hket:inline-image}}

{{hket:inline-image name="janice-teaser-output.jpg"}}{{/hket:inline-image}}

Janice找來近年合作無間的年輕音樂人蘇道哲，擔任個唱音樂總監，並組織業界頂尖樂手、管弦樂隊登上紅館大顯身手。「今次新舊音樂人各佔一半，比以前嘅演唱會搵多咗年輕音樂人幫手，我最希望多啲同觀眾互動，用聲音治療大家心靈。」此外，Janice為增強體能，早已展開地獄式特訓，她坦言以前減肥為別人而減，現在減肥全為自己健康，「每日舉啞鈴，又喺跑步機不停鍛練，原來舉啞鈴可以去到好盡，雖然辛苦但對自己練氣好有用。」努力操fit體能外，出名唱功了得的Janice原來一直也有進修唱歌技巧，相當好學，「我一星期上兩堂，搵一位教歌劇嘅老師執下我啲中文咬字，本身鼻音重，希望今次演唱會嘅觀眾聽到我另一種唱腔。」

{{hket:inline-image name="279179075_523865605959787_3984696543883564190_n.jpg"}}{{/hket:inline-image}}

{{hket:inline-image name="JJ1.JPG"}}{{/hket:inline-image}}

她又透露，眼見早前疫情好轉，大家才正式落實開騷，所以籌備時間大減，相當大挑戰，「以前準備演唱起碼有三個月時間，今次公布得咁急，我都驚大家唔知我開騷，咁短時間都有壓力。」除了忙於開騷及製作新碟，Janice亦留意樂壇新力軍，她在去年出任《聲夢傳奇》導師，指導一眾年輕學員；《聲夢2》學員趙小婷去年在社交網翻唱Janice歌曲，Janice亦特地讚好，主動鼓勵後輩。「上年第一次做導師，當時畀多啲空間學員發揮，之後都有粉絲直接喺IG發信息，叫我教佢哋唱歌，但自己暫時無打算做歌唱老師。」由04年翻唱黎明的《情深說話未曾講》英文版出道至今，Janice轉眼已踏入40歲，她感恩仍能在香港唱歌及製作音樂，「同當年一班新人比較，大家各自有唔同嘅路向，我好感恩繼續上紅館、繼續做音樂，今次我亦會好畀心機做好個騷；如果有機會參加內地歌唱比賽都好，最緊要有新挑戰！」

{{hket:inline-image name="b0ba5199788d7c337f7c2684437560b5.jpg"}}{{/hket:inline-image}}

撰文︰梁紹明

髮型︰Jamie Lee@JamieLeeHair

化粧︰hongjai_makeup

服裝︰PortsPURE, APM Monaco