吳雨霏四年抱三突然宣布再誕B 形容為最擔心一胎：這寶寶是個奇蹟

今日踏入36歲嘅吳雨霏（Kary）久未出席公開場合，原來Kary秘密懷孕，今日喺社交平台宣布喜訊，已誕下新成員Noa！四年抱三嘅Kary本身已有一對仔女，今次佢就未有透露bb性別，但就形容Noa係佢最好嘅生日禮物。

同場加映：  人間飄浮丨黃劍文一步之念 險隨母親做傻事 學懂珍惜：愛真係要講出口

{{hket:ul-video id="5897"}}{{/hket:ul-video}}

Kary喺社交平台分享佢嘅抱b照，之前保密工夫做足，原來呢一胎一直都唔係佗得好定，Kary留言：「介紹一下我們家最新的成員，Noa 6.6.22。我和寶寶平安回家了，抱歉沒有一早跟大家分享。今胎無論是身體上或精神上都是最辛苦、最擔心的一胎，儘管經歷那麼多，我們還是非常感恩。感激家人、朋友、醫生、護士等等的支持和照顧，最重要感謝主，一直帶著我們走過最難熬的日子，祂的恩典夠用。現在我會好好休養並享受我們一家五口的時光，希望有一天同大家分享見證。這個寶寶是一個奇蹟，也是最好的生日禮物 。」

{{hket:inline-image name="118227098_607558679911752_624636394900425100_n.jpg"}}{{/hket:inline-image}}

Kary分別喺2018同2019年誕下大仔Asher同囡囡Galilee，兩個b都係順產出世，非常健康。對上兩次Kary都有同大家分享懷孕嘅喜悅，仲不時曬巨肚照，不過今次Kary就未有分享，所以唔少圈中嘅朋友都對此表示驚訝。但其實好姊妹鄧麗欣同區文詩一早就知，十日前佢哋就提早同Kary慶祝生日，影相時仲刻意冇影到肚，睇到手腳纖瘦嘅Kary真係估唔到佢已經臨盆在即！

雖然Kary順利咁生咗3個健康bb，但其實佢喺生大仔之前曾經歷小產傷痛，仲間接令佢同前好姊妹Ｍiki楊愛謹反目。2016年11月Kary被爆出小產，有傳爆料人係Miki，令Kary覺得被出賣，傷上加傷，從此二人反目，姊妹情不再。之後從2017年慶祝生日開始三缺一，Miki同Kary冇再一齊喺私人聚會上同場出現。

圖片來源：Instagram