45歲謝安琪孖老公做「車模」搵銀 逆生長如初出道被大讚似邵音音

現年45歲嘅謝安琪（Kay）同老公張繼聰（Louis）日前一同出席汽車品牌新車揭幕儀式，係佢哋首次以夫妻檔搵銀。Kay同老公以米白色襯到絕夫妻裝現身，阿聰越大越有型，而Kay更加係逆齡生長，唔少人都大讚Kay越來越索呀！

同場加映：  父親節快樂丨陳少邦餅印囡囡Freya愛笑超可愛 陪產領會生之痛：孝順媽媽最重要

{{hket:ul-video id="5927"}}{{/hket:ul-video}}

Kay接受訪問時表示，除咗做新人時有咁樣一齊做過訪問，結婚之後都冇試過，Kay以唱歌為主，而阿聰就演戲多啲，仲講笑話喺屋企都好少撞到。阿聰表示是次酬勞「好有誠意」：「我收幾錢直接喺晒佢（Kay）度，只可以講價錢係有誠意，當然唔係平，但物超所值。」

{{hket:inline-image name="285670461_571609384332695_8209313964494897594_n.jpg"}}{{/hket:inline-image}}

講起車，Kay為了融入老公的電單車世界而去學電單車，而阿聰則指Kay喜歡古董車。阿Kay亦大讚阿聰駕駛態度及心態良好，重提初出道時坐對方車的經歷：「同架巴士差唔多速度，我都諗點解我唔搭巴士呢？當時有為佢加分，人品幾好，揸車情緒反映出佢心理素質唔錯。」

不過大家嘅重點都落喺Kay身上，Kay著上仙氣白色長裙，一把黑色微曲長髮加上平蔭，更加減齡；此外Kay仲大騷均秤身形，小露白肩加埋勝雪嘅肌膚，真係點睇都唔似40有5！唔少網民都忍唔住留言大讚：「點解仲後生過初出道嗰陣？」、「逆齡生長，令人羨慕嘅一對」、「咁靚得唔得㗎？」、「好似後生嘅邵音音」、「皮膚狀態好好勁young」。