李麗珍出巡自嘲肥咗老咗冇人識 貼地回覆網民有人成功約到女神？

現年56歲嘅李麗珍，喺1993年憑三級片《蜜桃成熟時》一脫成名，由鄰家女孩成為一代性感女神，迷倒唔少少男。1999年，又憑許鞍華執導嘅電影《千言萬語》，分別成為《第36屆金馬獎》及《香港電影金紫荊獎》「最佳女主角」殊榮，成為雙料影后，成為公認實力派演員。

同場加映：人間飄浮丨黃劍文一步之念 險隨母親做傻事 學懂珍惜：愛真係要講出口

{{hket:ul-video id="5897"}}{{/hket:ul-video}}

雖然李麗珍持續都有幕前演出，不過佢冇玩社交網，fans們都好難知道佢近況。然而最近佢突然非常活躍於IG，連日來分享咗唔少喺香港捐窿捐罅嘅相片，仲貼地到深水埗品嚐地道美食，網民大讚其一身街坊look，現場似乎冇人認得佢，珍妹自嘲：「希望同茶客溝通，不過冇人望我，珍婆婆肥咗老咗冇吸引力。」

{{hket:inline-image name="286089600_1022981218341931_3426406404733517550_n.jpg"}}{{/hket:inline-image}}

日前李麗珍再走到荃灣二陂坊擦茶餐廳美食，身穿白tee、素顏上陣，非常樸素，佢同背後一間情趣用品專門店合照「打卡」，留言：「食完晏，預備開工 #溫馨提示今個星期嘅post #未滿十八歲不能觀看 #大家留言請簡短 #婆婆有老花」。又上載一張自己戴眼鏡嘅相片，表示自己回覆網民留言搞到眼花花、睇到眼矇矇，引嚟更多人留言希望可以同一代女神互動。

網民大讚李麗珍不同時期都靚，珍妹謙虛稱自己「老有老嘅靚」。有網民留言：「我pm電話畀你，同我食早餐。」珍姐搞笑覆佢自己唔食早餐。又有多口網民話想同佢「曳曳」，珍姐都冇同對方「罵戰」，只係叫佢唔好咁鹹濕，EQ好高呀！

另外又有一位00後網民說，自己有張佢嘅CD好想要簽名，珍妹爽快應承：「好啊！地鐵站幫你簽。」幽默又貼地，都有人質疑佢回覆內容，感覺好young，唔知係咪有人幫佢打理社交平台呢？

撰文：黃蘊姿