郭富城（城城）、吳鎮宇、任達華（華哥）及方中信等今午到屯門出席電影《內幕》開鏡拜神，對於有傳鎮宇的角色原本由林峯出演，之後到陳偉霆，最終才落入鎮宇手上；「執三攤」演出的鎮宇坦言完全不介意，笑謂只要準時有糧出便可。
同場加映：人間飄浮︳黃劍文一步之念 險隨母親做傻事 學懂珍惜：愛真係要講出口
繼電影《公元2000》後，郭富城和吳鎮宇相隔22年再次合作，兩人分別飾演律師和警察，聯手對抗壞人。有傳鎮宇的角色是頂替林峯及陳偉霆，臨危受命的鎮宇表示︰「唔介意，幾好呀，可以喺香港開工，佢哋用咗好多說話安慰我，其實只要準時出糧就得。（片酬上打動你？）唔係，主要都係個組合同楊生（楊受成）…上次安排我同張學友、謝霆鋒合作，今次就同城城佢哋，唔好計較咁多。」
而城城透露自己在片中除了是大狀，亦是一名跆拳道導師，他說︰「所以呢排好努力咁壓下腿，盡量令筋骨柔軟啲。」提到剛過去的端午節，城城帶兩個囡囡踩腳踏船，他開心道︰「本來囡囡想睇龍舟比賽，我哋就帶佢哋去赤柱睇，點知去到已經賽完，跟住就同佢哋去飲嘢同踩腳踏船，佢哋玩得好開心。」父親節將至，身為人父的城城和鎮宇指當天要開工，他們更異口同聲表示只記得母親節，城城表示︰「爸爸唔使記住呢啲，只要做好父親責任，同埋最緊要小朋友開心成長。」
另外，片中飾演財務總監的任達華，透露一開場就被方中信陷害致死，他笑稱︰「戲內戲外都要聽大佬（方中信）話！」華哥又自揭在戲中需從五樓高跳下，但他直言因為畏高，所以選用替身，「最難忘係87年拍劇集《杜心五》，要由三樓城樓跳落嚟，本來當時現場有替身，但身高同佢爭好遠，最後我決定親自上陣，依家都打得OK㗎！」
撰文：倪小珊