劉小慧用「驅狗器」嚇唐狗犯眾怒 代言品牌割蓆：不認同針對品種

50歲嘅劉小慧豪住過億飛鵝山豪宅，同老公蘇志威養寵物至少月花3萬，家中有藏獒Coolman、貴婦犬Scooby、異國短毛貓波波、異國短毛貓豹豹等寵物，她更安排了兩位姐姐照顧愛寵，一向予人有愛心感覺！近年轉型做KOL嘅佢儲咗唔少粉絲，日前夫妻二人帶貴婦犬Scooby散步開直播兼分享放狗好物，不過言論出晒事，犯眾怒兼形象插水。

同場加映： 人間飄浮丨黃劍文一步之念 險隨母親做傻事 學懂珍惜：愛真係要講出口

{{hket:ul-video id="5897"}}{{/hket:ul-video}}

日前劉小慧同老公帶Scooby散步，分享自己會用「超聲波驅狗器」驅逐唐狗時，佢直播時講：「點解我要帶住佢？因為Scooby太唔冷靜，萬一我哋有時行山會有好多唐狗，當有唐狗嘅時候，你一撳呢個，佢哋就即刻雞飛狗走，但發出嚟嘅頻率就唔會傷到佢哋，佢哋唔鍾意呢種音頻就會四散。我試過唐狗係特別特別有用，但例如一啲名種狗係免疫。」劉小慧更即場示範使用「超聲波驅狗器」。

{{hket:inline-image name="1iPts_WjO5rDim74cG9IRA7v-uZpWg2D3HsIONx7CDg.png"}}{{/hket:inline-image}}

網民隨即洗版鬧爆佢嘅愛心分品種，又指佢根本唔識養狗，只係當狗狗係打卡工具，劉小慧最終亦有道歉：「我很抱歉昨晚的直播引起很大迴響。因為我的貓曾經被狗咬死，所以對於過分熱情的狗狗比較恐懼。所以一般帶小寵物岀街時，我都會帶備驅狗器，我不是因為甚麼狗種或流浪與否而去用，只會在生命受到威脅時才會用。我承認可能過往因為我的貓被狗咬死，所以才會比較恐懼。引起大家不安，實在抱歉。」

不過網民並唔買帳，而劉小慧合作開嘅「寵物藥妝」公司喺事隔一日之後都發聲明「割蓆」：「本公司留意到劉小慧小姐近日直播內容引起市民廣泛關注，一直與劉小姐保持溝通跟進事件，經雙方協議後，劉小姐主動提出願意與本公司暫停合作關係。謹此聲明，本公司並不認同針對任何寵物品種之言論，一直以來本著提昇寵物健康及生活質素，致力照顧毛孩的身心所需，認為每一個小生命都值得被好好善待，尊重及愛護所有寵物。」

唔少網民都即刻留言大讚品牌當機立斷，而且依然平息唔到佢哋嘅怒火：「做得好，市民先係你老闆啊！」、「其實唔應該只係暫停合作關係，應該解除合作關係要佢哋賠錢。」、「請找真正愛動物的人做代言人。」、「佢冇資格做寵物用品代言！」有唔少人仲提議品牌用袁文傑、姚子羚同汪明荃等有愛心嘅藝人擔任代言人。