冥冥之中丨郭羡妮支持女兒參選港姐 「過程中學到忍耐同堅持」

郭羡妮（Sonija）在ViuTV新劇《冥冥之中》中，飾演死亡代理人，更是人口控制公司的行政總裁，而且擁有長生不老的能力，新鮮感十足。近年鮮有拍港劇的Sonija，自爆落實拍劇前，特別向導演講條件，要求劇組讓她每天最少有12小時休息時間，因為若不夠精神，她便無法享受演戲樂趣。

同場加映：鄭融疫情下停工享受禪柔之樂 看淡得失：Go with the flow

{{hket:ul-video id="5850"}}{{/hket:ul-video}}

{{hket:inline-image name="MAL08371.jpg"}}{{/hket:inline-image}}

現年47歲的Sonija近年養尊處優，上次拍劇已是港台單元劇《獅子山下2017》。今次拍攝30集的《冥》劇，Sonija笑言︰「拍劇好長時間，消耗嘅精力好多，好驚無得瞓，所以有得瞓就瞓。之前做嘢咁多年，我成日同囡囡講，唔好理媽咪成日瞓覺，因為媽咪成日無得瞓。」Sonija表示於前年年尾接拍此劇，但之前內心十分失落，「當時好多人都話移民，啲人又會話你個女都差唔多去外國讀書，阿女十歲，都唔知應該點行。於是朋友用塔羅牌幫我占卜，佢話我嚟緊好快有嘢做，點知講完一個星期，導演就打電話畀我，所以真係冥冥之中。」

{{hket:inline-image name="103.jpg"}}{{/hket:inline-image}}

Sonija指導演當時不斷向她介紹《冥》劇角色，但她唯一條件是有足夠睡眠。「我好驚唔夠瞓，當時同導演傾，可唔可以答應我最少有12個鐘瞓覺，佢話會盡量；我話『你知喇，我同你都咁大年紀，我要靚就要瞓』。因為我唔可以即刻瞓着，要培養兩三個鐘先真正入睡，日頭個腦好忙，夜晚要慢慢調校先瞓到，佢又真係應承我。如果我好眼瞓、精神唔夠，就享受唔到拍戲，我最想享受拍戲嘅感覺，唔係好似以前咁衝衝衝。」

{{hket:inline-image name="105.jpg"}}{{/hket:inline-image}}

Sonija表示，08年跟黎耀祥及陳敏之合作拍《Click入黃金屋》時，試過三天三夜沒睡覺，是她入行以來的最高紀錄。「真係好有陰影，望住對白一隻字都對唔到，仲要幾組一齊做，又拍電影又拍電視又拍廣告，不過都正常嘅，嗰時唔衝，唔通依家先嚟衝咩，依家就唔得喇，依家係享受拍戲樂趣。」

{{hket:inline-image name="101.jpg"}}{{/hket:inline-image}}

現時以湊女為主的Sonija，透露女兒最不想她出埠工作。「佢好想我夜晚返屋企，我以前去內地拍嘢，可以成個月唔返，佢唔鍾意咁樣。」Sonija笑說會迫女兒收看自己的劇集，「阿女最鍾意睇我開槍嘅劇，好似《無名天使3D》咁，佢覺得我好靚好有型，尤其開完槍啲頭髮會吹起，呢啲係美好嘅回憶。」問Sonija會否讓女兒入行，讓她經歷自己捱過的苦？她形容自己「好open」，「只要佢鍾意同開心都無壞，我之前喺屋企扮用槍射佢，要佢做反應，同埋玩格鬥，佢都有少少天份。」

{{hket:inline-image name="20210919133732446K_0.jpg"}}{{/hket:inline-image}}

貴為99年港姐冠軍的Sonija，笑指若女兒條件OK，亦會支持她選港姐。「如果我睇到佢有贏嘅條件，我都覺得可以（參選），因為選美鍛練好多忍耐力，囡囡缺乏忍耐力，由細到大都有工人湊慣，要學好管理自己同EQ；選美係一個好好訓練，你會喺過程中學到忍耐同堅持。」近年興起不少創新的選美方式，例如《肥美人》及《口罩小姐》，Sonija指這類選美都是一種娛樂，也給想入行的朋友多一個機會。

撰文：倪小珊 攝影：Alma