羅清浩外型局限擅演寸咀小人物 18年誤傳死訊：一啲都無嬲

藝人羅清浩淡出娛樂圈前，參與過不少劇集同電影的拍攝，或許講出角色的名字，觀眾腦中自然浮現出他的樣子︰包括《城市故事》Victor郭通天、《流氓大亨》二佬方學斌及《賭神》內「刀仔」劉德華的老友「排骨」等。羅清浩已移居泰國，一次與資深製作人楊紹鴻異地重逢，自此經常聯絡，並互相照應。近年罕有出山的他，應對方邀請參與《永遠懷念李香琴》及《向世界歌唱之泰港同心齊抗疫》節目，帶來一點點驚喜。

{{hket:inline-image name="0601LAW01.jpeg"}}{{/hket:inline-image}}

{{hket:inline-image name="0601LAW02.jpg"}}{{/hket:inline-image}}

同場加映：林明禎聽日32歲生日狂收蛋糕 廣告接唔停 已計劃全家去旅行

{{hket:ul-video id="5871"}}{{/hket:ul-video}}

根據網上的資料顯示，羅清浩擅長模仿歌手唱歌，在1990年代初由無線轉投亞視發展。羅清浩接受《晴報》獨家專訪，親自作出資料修正，「我原名係羅振彪，1955年出生，唔擅長亦未曾模仿過歌手唱歌，喺89年由無綫轉到亞視。」對於過往幾個精彩角色，他逐一解說：「《城市故事》入面嘅郭通天，係個搞搞震、冇幫襯嘅人物，性格方面係經常自作孽，角色功能係希望能夠帶畀觀眾工餘時可以笑吓、輕鬆吓。《流氓大亨》方學斌係典型心存僥倖，不學無術嘅青年，最後當然要受啲教訓，畀年輕人作警惕。《賭神》排骨呢個人物，我係好有幸參與呢一部經典電影，只係覺得與有榮焉，談唔上對一個過場式嘅角色會有咩感受。」

李香琴設靈│楊紹鴻製特輯18位演員悼念琴姐 曾傳死訊羅清浩精神露面憶往事【下一頁】

他更謙虛表示：「曾經參演嘅電視劇或電影呢，已經記唔起有幾多齣，大多數嘅角色都鍾意，因為咁多位導演都容許我對角色自由去設定，演繹方面都可以自由發揮，完工後並冇收到惡評已經感到滿足。（因為外型問題多演囂張角色或反派人物？）外型當然會局限演出，畢竟製作量咁大，製作部選角自然會按演員過去嘅演出作歸類而安排，風險較低嘛！演員要突破角色限制難度就較大。」

泰港同心齊抗疫︳羅清浩胡慧冲朗嘎拉姆義務參與 楊紹鴻填新版《獅子山下》打氣【下一頁】

電視台久不久會重播劇集，由萬梓良、鄭裕玲及吳啟華主演的經典劇《流氓大亨》於2018年深夜播出，羅清浩再次受到外界關注，並誤傳他病逝的消息，前英皇娛樂高層Kitty媽因此上載二人合照，「曲線」為好友否認。羅清浩對此表示：「真係唔知點解會咁傳，（誤傳死訊）一啲都無嬲，其實每晚11點左右，我就會失去知覺，到第二日朝早就會輪迴重生。某種意義上也算『瓜咗』。（無須親自澄清？）唔覺得有需要，多年來託賴，身體健康狀況還可以。」

（↓點擊放大睇圖片↓）

至於何時移居泰國？他說：「早喺2014年已經有移居嘅念頭，泰國係我非常喜歡並經常旅遊嘅地方，呢度價廉物美，生活空間寬敞，民風純樸，醫療系統優質又平，生活節奏休閒。心諗老咗若能長居一個充滿旅遊氣氛嘅地方都唔錯吖！咁啱喺網上知道泰國有退休長居簽證畀外國人申請，申請資格要求又唔高，我就喺2018年申請，搞咗半年時間便成功，長居至今。（有無戲癮發作想再拍戲？）戲癮呢，對每位曾經參與演出嘅演員係唔可能完全消退，再參與就只能隨緣嘞！」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】