聲生不息︳黎彼得病癒大半年低調復出熒幕 半退休心態：做唔做都冇所謂

黎彼得（Peter）今年2月開始消失幕前，有一段時間沒有在《愛回家之開心速遞》上露面，當日接受《晴報》訪問時解釋3個月前做「通波仔」手術，康復後無綫未有安排復工；而手停口停的他一度經濟陷入困難，幸好獲契仔黃宗澤（Bosco）幫忙解決燃眉之急。Peter哥近日低調復工，以張國榮經典金曲《Monica》的作詞人身分，亮相日前（29日）最新一集的《聲生不息》，分享歌曲背後的創作故事外，亦讓觀眾知道72歲的他已經回復十足狀態，有能力繼續工作。

{{hket:inline-image name="051302001.jpg"}}{{/hket:inline-image}}

{{hket:inline-image name="13_600_600.jpg"}}{{/hket:inline-image}}

同場加映：鄭融疫情下停工享受禪柔之樂 看淡得失：Go with the flow

{{hket:ul-video id="5850"}}{{/hket:ul-video}}

Peter哥前後休息了近半年時間，令《愛回家》的「大四喜」三缺一，上次只得劉丹、陳榮峻和羅樂林灌錄新歌《今日食飯未？》，不少劇迷在網上留言話掛住「豹叔」黎彼得。Peter哥這次接受無綫娛樂新聞台親講近況，他精神奕奕說：「身體唔健康都係年齡問題，每一個人到咗咁上下年紀就要『派彩』（意指入醫院），就係以前私生活檢唔檢點，所以係好正常。（現在有冇聽話戒口？）而家被迫聽話，其實個心都好『囉囉攣』 ，而家嫖賭飲都戒晒。（體重有冇增加？）都唔好增加嘞！肥又死瘦又死，總之面色好就得，以前啲老人家無端端會有幾聲咳，好彩我又冇咳，咁已經好好彩，託賴。」

愛回家丨豹叔消失3個月原來要做手術 黎彼得認經濟困難多得黃宗澤接濟【下一頁】

提到契仔黃宗澤協助度過難關，Peter哥力讚Bosco是好孝順的人，「我哋相識於微時，當年大家都係租住700呎嘅村屋，一齊拍《我的野蠻奶奶》，不過冇正式上契，佢有同新聞界講認咗我做契爺，我亦都與有榮焉，得到一個咁好嘅契仔。呢次因為我身體有事而得到佢幫忙，我好感激，呢啲亦都係一種緣分。佢係好值得發達嘅人，佢對人好，最緊要嘅情操係孝順，呢個細路非常之孝順。」他同時亦讚Andrew陳浚霆，指對方不時來電慰問，是個好乖的人，認為同家庭教育有關，而他同Andrew媽咪顧紀筠亦好熟絡。

（↓點擊放大睇圖片↓）

《愛回家》暫時演出無期，未來會否為了健康而減少工作？Peter哥淡淡的說：「而家心態係做唔做都冇乜所謂，即係半退休，有得做固然好，可以循序漸進，又唔好捱啦……唔好要個『捱』字，而係要有個寄託。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】