下流上車族︳林敏驄爆曾志偉「踎求」邀做男一 江美儀驚拍檔失控用3日起底

搞笑高手兼才子林敏驄近日處男拍劇，頂替姜皓文做男主角，接拍無綫新劇《下流上車族》。日前阿驄同江美儀、郭柏妍及羅毓儀開工，江美儀直認很驚阿驄爆肚演出，擔心失控時如何拍攝，幸好正式時又頗順利；兩人受訪時亦很合拍，互笠對方高帽，阿驄更搞笑爆無綫總經理曾志偉邀請自己拍劇的過程，觀眾要自行判斷有幾多成屬實。

同場加映：林明禎聽日32歲生日狂收蛋糕 廣告接唔停 已計劃全家去旅行

{{hket:ul-video id="5871"}}{{/hket:ul-video}}

{{hket:inline-image name="05311001.jpg"}}{{/hket:inline-image}}

{{hket:inline-image name="285239360_7424326010971006_3206038323149259442_n.jpg"}}{{/hket:inline-image}}

無綫娛樂新聞台這日派人去探班，見到阿驄同江美儀相處融洽，有講有笑。訪問時提到有口才又有急才的阿驄，隨時在鏡頭前爆肚演出，江美儀話：「驚囉，我用咗三日時間，上網搵晒佢啲片同歷史嚟睇，三日當然睇唔晒，佢訪問嘅片就唔多，歌就真係好多。係想嘗試去了解呢個人，佢真係唔受控制，我諗開工點算？但佢開工又好乖，原來係好聽話。（𠱁到你開心？）好似我𠱁得佢開心啲喎。」

阿驄笑說：「今次劇本都好出色，又有得同美儀姐一齊拍，跟美儀姐學吓嘢嘛！」江美儀聞言即反笠阿驄高帽，「黐線，我跟驄哥學嘢，諗住問佢可唔可以出山幫我寫首歌，然後就我唱歌，分分鐘就早啲退休，哈哈哈！」

下流上車族︳林敏驄臨危頂替男主角姜皓文 處男拍劇 全因曾志偉開口【下一頁】

對於今次是曾志偉開口力邀拍劇，阿驄話：「咁又可以咁講，佢留言畀我話『林敏驄，有單嘢，你快啲嚟，幫無綫拍劇有冇興趣？』，仲做男主角。（志偉好有誠意？）係，我話我好貴喎，佢話唔緊要，拎咗幾個紅白藍袋（意思好多錢）塞喺我屋企門口，搞到我門都推唔開；跟住總經理踎埋喺度，門都開唔到，總經理話我一定要演呢個角色。（新劇重戲份又多女拍檔？）好重『女』，原來我個角色真係有兩個女，一個12歲，另一個14歲，點睇都係12歲，哈哈哈。」

（↓點擊放大睇圖片↓）

阿驄口中的兩個女兒由郭柏妍同羅毓儀飾演，這次拍攝她們在海濱長廊玩滑板的鏡頭，事後阿驄亦有在社交平台分享拍攝花絮，見他左擁右抱兩個女學玩滑板，玩得勁開心，又曬戲中一家四口的家庭照，阿驄更得戚留言：「禾D梨......」，即「我啲女」。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】