我和殭屍有個約會︳「殭屍仔」況復生迪士尼慶陶婚 「8年時間原來好快就會過」

由萬綺雯同尹天照合演的《我和殭屍有個約會》系列，早已成為劇迷心目中經典，當中飾演「殭屍仔」況復生的童星張國權，1998年演出第一輯時大概8、9歲，精靈又得意。現年33歲的他已長大成人，日前在社交平台分享兩公婆去主題樂園的合照，並Sweet爆同大家講：「結婚8周年快樂！」，原來他們趁「520日子」去慶祝陶婚。

同場加映：鄭融疫情下停工享受禪柔之樂 看淡得失：Go with the flow

{{hket:ul-video id="5850"}}{{/hket:ul-video}}

{{hket:inline-image name="daniel_cheung_281605713_517262793430552_1214386101147243595_n.jpg"}}{{/hket:inline-image}}

{{hket:inline-image name="05272002.jpg"}}{{/hket:inline-image}}

張國權（Daniel）做童星時拍過不少亞視劇集，最經典當然是《我和殭屍有個約會》系列，劇中他同尹天照的感情戲令人印象深刻，雖然角色並不是真父子，但關係比親人更加親密。張國權於1998年演出第一輯時是9歲，到2004年第三輯時已經15歲，觀眾可謂見證他的成長，而他之後亦淡出娛樂圈，沒有新作品出現。

【我和殭屍有個約會】 張文慈49歲生日獲粉絲製MV慶賀 《殭屍》班底賀壽吳廷燁浪漫告白【下一頁】

其實張國權於2012年曾再度亮相亞視，但不是演出劇集，只是接受《亞視百人》甘國亮訪問，當時23歲的他透露轉行原因：「拍戲機會唔一定你想就會有，又要人哋睇中你，同埋當年我唔係合約演員，嗰時都係自由身又讀梗書，唔係好穩定、一路有戲拍，之後都有其他因素，我又想同朋友開舖頭，諗住投身第二行，去試吓學第二啲嘢，所以就轉咗環境工作，其實都有等梗機會，睇吓有無人會再搵返我拍戲，覺得未必自己特登去做，可以話係順其自然。」

（↓點擊放大睇圖片↓）

張國權雖然離開電視圈已一段日子，在網上不時有跟大家分享其近況，幾年前他同女友Freby結婚，最近是他們陶婚的紀念日，張國權在IG寫上：「結婚8周年快樂，8年嘅時間原來好快就會過，我每日都會同自己講要好好珍惜你，I love you！#陶婚 #Pottery wedding #20220520」，Freby亦在個人社交平台放閃，並表示：「結婚8周年快樂，8th Happy anniversary，每年520都可以公然放閃，人生的確有好多苦難，但都有好多珍貴開心的時候，搵到你一路陪伴，有時候都唔想時間過得太快，想慢慢珍惜有你我的時光。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】