22歲何超欣漢服畢業相激似利智 賭王何鴻燊盛讚孻女：靚到不得了

已故賭王何鴻燊四房孻女何超欣唔經唔覺已經22歲，日前有攝影師公開了一系列何超欣的畢業照，何超欣着起白色漢服，手執摺扇、長劍等道具，攝影師大讚：「骨相真的很美，氣質絕佳。」唔少網民都大讚有仙氣，話佢係何家最美千金。

同場加映： 廖素屏入行41年爆拍荷里活威水史 御用肥師奶自帶喜感：凡事向好看

{{hket:ul-video id="5814"}}{{/hket:ul-video}}

超欣除咗外形靚之外亦品學兼優，自小就讀傳統名校瑪利曼小學，之後於英國會考GCSE考獲9A*佳績、SAT數學滿分，獲英國劍橋大學取錄，但最後佢選擇同哥哥何猷君一樣入讀美國麻省理工學院（MIT）。佢又自小已學習芭蕾舞、中國舞及交際舞等，經常出席名流宴會，文又得「舞」又得。超欣於美國麻省理工學院（MIT）畢業，獲得管理學及建築學雙學位，其後再被清華大學蘇世民書院取錄，升讀碩士，主修中國公共政策。

{{hket:inline-image name="13.JPG"}}{{/hket:inline-image}}

保守估計何超欣年紀輕輕已經至少有7億身家。2016年四太梁安琪就斥13億元，大手掃入Mount Nicholson四伙住宅單位，贈予何超欣及何超盈，指係「買樓係畀女兒學投資」。當中屬於何超欣嘅單位係Mount Nicholson的9樓A及B室，當時購入價為 6.464億元，兩單位嘅實用面積為4,566及4,289平方呎，有指此單位曾以天價每月120 萬元租出。何超欣後來再與家姐何超盈合共斥資5,939.94萬元購入山頂聶歌信山道超級豪宅Mount Nicholson6個車位，平均每個車位成交價989.99萬元。

超欣最為人關注嘅唔係佢嘅學歷都唔係佢嘅身家，而係佢標緻嘅外貌。賭王何鴻燊有多名千金，個個都有自己特色，佢曾於2007年公開評論幾房女兒的樣貌，表示：「阿三就個個女都靚，阿四細女（超欣）就靚到不得了！」網民除咗大讚佢高貴有仙氣之外，仲話佢好似當年曾經同賭王傳緋聞嘅性感女星利智，留言：「很似利智，比利智兩個女更似。」、「好似利智。」不過都有網民唔認同賭王，認為三房嘅超蓮同超雲先係近代嘅最索千金！