張頴康麥雅緻14年間情侶變父母 相愛如初感激老婆賜予多重身分

張頴康與麥雅緻於2012年結婚，婚後先後誕下大女「小豆」、二仔「小花生」及細仔「小蛋黃」，五口之家十分溫馨。小豆早前8歲生日，一家為她開生日會慶祝。而大女8歲的同時，亦意味著張頴康與麥雅緻成為父母已經有8年的日子。為了紀念呢個8年，久違了的特別出去食飯撐枱腳，男方更撰長文多謝老婆。

{{hket:inline-image name="283832724_500385461826384_8991205594893809009_n.jpg"}}{{/hket:inline-image}}

同場加映：廖素屏入行41年爆拍荷里活威水史 御用肥師奶自帶喜感：凡事向好看

{{hket:ul-video id="5814"}}{{/hket:ul-video}}

張頴康在社交網大曬與老婆恩愛合照，撰長文表示：「小豆開咗個8歲生日會之後，亦即係表示我哋已經做咗父母8年！做父母，唔同做情侶、夫妻！第一日成為咗父母之後，就永遠唔可以返轉頭，因為父母要負嘅責任，係一世嘅！」

他指這8年間，可以好好咁享受爸爸呢一個身分，是因為他有一個好好嘅太太幫忙照顧屋企，「為咗紀念呢個8年，我決定同老婆兩個人以情侶、夫妻嘅身分，出去食餐簡單嘅飯拍拖慶祝吓！短短幾個鐘嘅拍拖時間，真係過得好開心！」

{{hket:inline-image name="283289142_2421702984639647_4045796136372838198_n.jpg"}}{{/hket:inline-image}}

不過撐枱腳期間，兩人都仍掛念家中小孩，食完飯後都不謀而合說：「不如返去啦，而家返去仲同到啲小朋友Say Good Night！」之後就埋單揸車返屋企，由情侶、夫妻，變返做父母！

張頴康又指，拍拖時間雖然只得幾個鐘，他亦感覺到與老婆初心不變，「同當初一樣好愛大家、好易滿足、好易開心！其實，無論我哋嘅身分係情侶、夫妻，定係父母，只要我哋深愛對方，就算係乜嘢身分，我諗我哋都唔會變！」最後當然少不了向老婆甜蜜示愛：「老婆，多謝你畀到我一個咁穩定嘅重身分！我愛你！」

圖片來源：張頴康、麥雅緻IG

超強媽咪｜麥雅緻碩士畢業感恩家人支持 「相信在天上的爸爸也能看到」【下一頁】

撰文：林惠珊