隔離Q&A｜吳諾弘罕有公開與女友相識經過 去歐洲比賽半年最辛苦係咩？

前童星吳諾弘（Lawrence）與「193劍神」張家朗、「大師兄」張小倫及蔡俊彥去年代表香港出戰東京奧運男子花劍團體賽，最後為香港拿下第七名佳績。22歲的Lawrence首次代表香港出賽，就已發揮超水準表現，打出亮眼成績。而在東奧之後Lawrence跟港隊到歐洲比賽半年，近日終於返到香港，隔離期間他更與網友玩「你問我答」，分享半年來比賽的心路歷程，更罕有大爆與女友相識經過！

{{hket:inline-image name="ng13_600.png"}}{{/hket:inline-image}}

同場加映：廖素屏入行41年爆拍荷里活威水史 御用肥師奶自帶喜感：凡事向好看

{{hket:ul-video id="5814"}}{{/hket:ul-video}}

昔日是一名童星的Lawrence，本來就讀拔萃男書院高中，為了成為全職劍擊運動員，選擇在中五時休學，之後正式加入港隊。有網友問他「DSE幾分？」、「有無諗過讀番書？」Lawrence就回答：「無考到DSE，中五就停咗學去全職打劍。」更預告嚟緊有機會重返校園再讀書。

{{hket:inline-image name="ng.png"}}{{/hket:inline-image}}

而Lawrence的IG上除咗有玩劍擊的照片之外，還有一個專屬「相簿」，記錄他與女友的拍拖點滴「放閃」。不少網友都好奇他與女友如何認識，Lawrence指自己糾結過答唔答好，最後都係決定答。他怕醜表示自己同女朋友一齊咗差唔多兩年：「2年前想做個YouTube Channel，嗰時方向未定好，好多嘢都唔知點做，所以嗰時有一路問人意見啦；好幸運地，有個朋友介紹咗而家女朋友我識。我哋一齊做嘢，跟住就發現我女朋友真係好好，好support我做嘢，之後我就主動去追佢。」

而半年來Lawrence與港隊其他成員一直在歐洲比賽，是第一次離開香港咁耐。提到最難適應嘅地方，他說除了是練習辛苦之外，原來仲有呢樣：「最難適應係食！因為半年一路喺歐洲，當你日日都係意粉pizza漢堡包，平時喺香港都成日食，其實真係難適應。而練習都真係真係真係好辛苦，我哋體能訓練不嬲辛苦，再加埋高強度訓練，一諗番嗰半年我都想瞓覺。不過係值得嘅，獲益良多。」

Lawrence亦坦言自東奧之後，半年來嘅心理變化好大，不過佢亦指自己有不斷調整心態，不想辜負大家對佢嘅期望。他說：「喺奧運時表現幾好，但第一站出嚟慢慢跌，當中有好多原因，可能自己畀壓力自己，亦都唔想辜負大家對我嘅期望，所以會令自己頭幾站打得唔係幾好，但去到後面慢慢釋懷，就變咗對自己無信心……我知自己如果繼續消沉落去，無可能做得更好……」佢又鼓勵大家如果遇到問題，都可以同佢一樣選擇「硬淨」，盡快企起身去面對問題，唔好逃避。

{{hket:inline-image name="211481115_1860851597430171_3524701219313368494_n_600.jpg"}}{{/hket:inline-image}}

東京奧運｜吳諾弘表現突出早已名草有主 「咁多位嘅支持我收到晒！」【下一頁】

撰文：林惠珊