《毒舌大狀》丨黃子華大讚劇力萬鈞 預告唔會爆肚 喜與廖子妤王丹妮合作

電影《毒舌大狀》今午於粉嶺舉行開鏡儀式，黃子華、謝君豪、王丹妮及廖子妤（Fish）等有份出席。子華表示在戲中有兩個身份︰「我個角色之前係做法官，但因為做法官做得唔係好如意，無乜大案審，所以之後做番大狀。」子華指與每位演員均有對手戲，與王丹妮的交流較多，但笑言因太「憎恨」Fish，所以對手戲相對較少。

同場加映：廖素屏入行41年爆拍荷里活威水史 御用肥師奶自帶喜感：凡事向好看

{{hket:ul-video id="5814"}}{{/hket:ul-video}}

子華表明今次不會「爆肚」，但身旁的導演吳煒倫則直言︰「反而想佢爆肚喎，咁先有火花。」至於電影可有子華最擅長的搞笑元素？子華說︰「乜都有，乜都要鬥，導演之前拍開《激戰》、《寒戰II》嗰啲，今次都有某種『戰』係後面，所以成個劇情推進嘅迫力好大，劇力萬鈞，希望觀眾會睇到有好大嘅情緒起伏。」

{{hket:inline-image name="DSC_2348.JPG"}}{{/hket:inline-image}}

{{hket:inline-image name="DSC_2335.JPG"}}{{/hket:inline-image}}

另外，王丹妮早前在電影《梅艷芳》的演出備受讚賞，對於今次演出，她大表期待︰「因為呢套電影同《梅艷芳》嘅劇種係完全唔同，所以覺得好好玩。」而王丹妮與Fish早前暗示在《毒》片中是同性戀關係，但兩人昨日都未有正面回應，只表示角色有驚喜，子華亦代解圍道︰「兼而有之，咩都有啲，你估唔到。」問王丹妮可想擺脫在《梅艷芳》中飾演梅姐的影子？她說︰「一步一步嚟啦，始終係我第二套電影，自己要繼續努力，希望可以有新嘅面貌帶畀觀眾。」王丹妮隨即表示要向子華偷師，問子華會否提供金句？他笑謂︰「見步行步啦，學我之前講嘅『橋到船頭自然直』。」

{{hket:inline-image name="DSC_2318.JPG"}}{{/hket:inline-image}}

至於Fish則透露今次的幕後團隊都是曾一起拍攝《梅艷芳》的「天堂crew」，她解釋道︰「拍《梅艷芳》嘅時候台前幕後都合作得好開心，今次可以延續『天堂crew』嘅感覺好開心。」

{{hket:inline-image name="DSC_2448.JPG"}}{{/hket:inline-image}}

{{hket:inline-image name="DSC_2456.JPG"}}{{/hket:inline-image}}

何啟華（阿Dee）、楊偲泳（Renci）和栢天男亦有份出席開幕儀式，阿Dee、Renci與子華在戲中是同一法律團隊，Renci坦言甚有壓力︰「因為有好多法律字眼係唔容許出錯，同埋我第一次演大狀，所以有啲壓力。」問她可有向男友張振朗請教演戲？她尷尬道︰「同成班演員見面時間仲多，問佢哋就可以。」

至於在片中飾演師爺的阿Dee，透露不需要背誦太多法律字眼，「今次我唔需要點搞笑，主要係睇下點配合子華，我唔可以搞笑搞得太過分，搶咗（鏡）又唔啱。」而Renci笑指最近與阿Dee經常見面圍讀，開心對方有強大的應援團，經常照顧劇組的伙食，問最終是否由阿Dee埋單？他笑言︰「我都唔帶現金出街嘅，哈哈…其實都係我同（粉絲後援會）會長計數啫，大家開心就OK啦。」

{{hket:inline-image name="DSC_2398.JPG"}}{{/hket:inline-image}}

採訪：黃寶蓮