吳若希30歲進入半生感覺「無缺」 Alex諷刺老婆懶惰玩命Po醜照

吳若希（Jinny）今天30歲生日，喺圈中人緣唔差嘅佢未到生日正日已經好多朋友排隊同佢慶祝，圈中好友麥美恩（Mayanne）及丁子朗（Karl）為咗幫壽星女慶祝，日前與經理人夾計，到拍攝現場送上驚喜，𠱁到Jinny笑逐顏開。

同場加映：  廖素屏入行41年爆拍荷里活威水史 御用肥師奶自帶喜感：凡事向好看

{{hket:ul-video id="5814"}}{{/hket:ul-video}}

Mayanne同丁子朗一早預訂生日蛋糕，然後突襲拍攝現場，畀驚喜Jinny。Jinny當時正在拍攝試做瑜珈動作，蒙在鼓裡嘅佢全情投入拍攝，並未發現有異樣。Mayanne同丁子朗突然帶同生日蛋糕同香檳走入現場，並高唱起生日歌，Jinny又驚又喜，霎時都唔識畀反應。

{{hket:inline-image name="IMG_6081.JPG"}}{{/hket:inline-image}}

Mayanne做出3字手勢，更不停強調Jinny踏入3字頭，又孖Karl高唱「Happy Happy Thirty」，Jinny見狀也作狀扁咀「唔使成日強調嘅」，但其實Mayanne這手勢也寓意所有事情都會Keep住Ok，祝願壽星女事事順利。Jinny攬實Karl道：「好掛住你呀丁丁！」更表示這位「永久女婿」好乖巧，Mayanne此時也眼仔碌碌望實Jinny，滿以為Jinny會講啲窩心說話，點知Jinny話：「你呀？我哋隔咗幾個鐘冇見咋！」擺明兩個真係好Friend先會咁溝通呀！Jinny表示生日願望係愛佢嘅人同佢愛嘅人都可以心想事成，而囡囡就可以入到心儀學校。

{{hket:inline-image name="IMG_6142.JPG"}}{{/hket:inline-image}}

今日一早Jinny就Post出長文，佢表示自己21歲嘅時候到處衝，衝到自己遍體鱗傷，所以覺得唔想咁長命：「因為我的人生太累了，我不想累那麼久！」所以當時佢就視30歲係自己嘅「半生」。踏入30，佢憑歌寄意，指現時自己學會感恩：「『當我望我現已活到全無缺，劇情問誰又可介意？』去年的某一天，我戴著口罩在熟悉的街道走過，轉頭發現先生帶著女兒兒子在對街呼喚我！突然，發現原來自己不累了，縱使我有一大堆麻煩事、縱使我也和很多人一樣擔憂著生活，可就是這個「突然」，我學會感恩，沒有當時的難關，怎麼把自己練得堅強？」

Jinny生日除咗感動嘅淚水當然都唔少得笑聲！佢一班姊妹包括陳詩欣、蔡嘉欣、王子涵同Kellyjackie等就為佢大搞校服Party重拾童真，Mayanne除咗送上Surprise cake之外，仲安排咗一班非洲黑人肌肉猛男，隔空為佢送上生日祝福，勁歌熱舞，非常鬼馬。

至於最「驚喜」嘅都係老公Alex，在社交網Post出一張老婆反白眼嘅醜照，留言：「願你一直用這種眼神繼續陪伴我左右，你的喜悅，你的憤怒，你的快樂，你的無奈，你的幸福和……『你接下來的所有喜怒哀樂的日子，我也會陪伴在你的左右。』」佢仲話老婆太過「享受懶惰」，叫佢30歲應該開演唱會，仲話開演唱會係佢由認識老婆到而家每日都會哀求佢去做嘅事，有個真心死忠嘅歌迷老公，Jinny認真幸福呀！

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】