64歲尹揚明尿酸過多受痛風困擾 韓賓移居珠海激讚內地醫保卡

現年64歲的尹揚明過往在電影中多數飾演黑社會角色，當年喺《古惑仔》電影系列飾演嘅「韓賓」同「十三妹」吳君如嘅感情令觀眾留下深刻印象。不過佢自2005年開始減產，雖然仍有參與幕前演出，但多數都係客串。好耐都冇現身公開場合嘅佢日前上載咗一段短片，分享現時佢喺內地嘅生活。

同場加映：聲生不息丨楊千嬅家庭為首放棄爭名逐利 笑對網友嘲老：年紀大係事實

{{hket:ul-video id="5818"}}{{/hket:ul-video}}

片中尹揚明戴上墨鏡同口罩，雖然一頭銀髮但感覺瀟灑，片中佢透露已經喺珠海申領咗港澳台居民居住證，而當日就去銀行領取醫保卡。尹揚明企喺一間銀行門前，並分享之前受惠於醫保卡嘅經驗：「我上次就尿酸過多，引致痛風，痛得好犀利，我就走咗去醫院，打咗支針，食咗啲藥，幾日後我就好返晒喇。」

{{hket:inline-image name="6a2a295dd84e40e4b6bdcc4afbfc290e.jpg"}}{{/hket:inline-image}}

佢又指申請醫保卡門檻低：「醫保卡對大家好有益處嘅，我哋呢個港澳台同胞都可以去攞嘅，只要住喺珠海啊，你喺中國邊度啊，你就攞咗個居住證就可以申請。」

近年唔少香港藝人都移居內地，同時靠出席商演活動密密吸金，事業同生活都齊齊北移。據知尹揚明現時已在珠海定居，佢曾經分享自己去睇電影、散步同簡單介紹景點嘅影片，非常融入內地生活。

撰文：黃蘊姿