羅志祥一個月背10個單字惡補英文 被寸溝女天尊：管理十女友用一天

小豬羅志祥經歷前女友周揚青大爆拍拖期間不停偷食，被冠以「時間管理大師」之名，形象毀於一旦。不過粉絲總是善忘，沉寂一時嘅佢已經浴火重生，將會喺7月復出開個唱，而佢都頻頻更新社交平台keep住人氣。

同場加映：雙生陌生人︳馬德鐘望有分身幫手拍戲減壓 從不強求父子檔：等佢自己諗

{{hket:ul-video id="5763"}}{{/hket:ul-video}}

日前羅志祥post一堆幼稚園程度英文單字學習卡，發文：「一個月背10個單字，我就不信背不起來。」表示自己正積極努力學習英文，但積極程度就引嚟網民調侃：「一個月背10個單字，管理十女友用一天」、「一個月才十個，比我5歲的姨甥還要遜」、「現在才開始惡補」、「一個月背10個會不會被小學生笑啊」不過都有唔少網民讚佢有永不言休嘅學習態度，紛紛為佢打氣。

{{hket:inline-image name="280188622_538043124359698_4857991189789685447_n.jpg"}}{{/hket:inline-image}}

另一邊廂，小豬嘅「前朋友妻」Makiyo宣布做媽媽，聽日就會同細佢3歲嘅醫美診所股東男友結婚。37歲嘅佢過往情史非常精彩，與歐漢聲（歐弟）同小豬嘅三角戀亦都再次被提起。

回帶到2002年，Makiyo同組合「羅密歐」中嘅歐弟拍拖，歐弟去當兵時託付好兄弟羅志祥代為照顧，男女因此成為拖友，雖然小豬由始至終否認此事，但自此與歐弟心結難解。而女方又曾與台灣媒體大亨邱復生的兒子邱舜（Milton）交往，戀情維持3年結束。

2012年，Makiyo酒後與日籍男友友寄隆輝、的士司機發生衝突，司機遭暴力對待，致受重傷要留醫加護病房，重創女方形象，友寄隆輝被驅逐回去日本，2人都因為負面新聞纏身冇工開，加上遠距離嘅異地戀而只能分手。

撰文：黃蘊姿