《雙生陌生人》收視欠佳被cut短 播譚俊彥龔嘉欣《十八年2.0》救亡

由馬德鐘、陳煒﹑湯洛雯﹑何廣沛同賴慰玲等主演嘅無綫劇《雙生陌生人》收視慘淡，開播首周收視只有13.5點，暫時係無綫今年劇集首周收視新低。無綫「痛定思痛」，日前喺官網宣布《雙生陌生人》由原本嘅25集濃縮至20集，5月27日大結局後，25集的足本版於myTV SUPER上架。至於緊接《雙》劇於5月30日播出的劇集，好大機會係由譚俊彥、龔嘉欣及陳山聰主演嘅新劇《十八年後的終極告白2.0》。

同場加映：  雙生陌生人︳馬德鐘望有分身幫手拍戲減壓 從不強求父子檔：等佢自己諗

{{hket:ul-video id="5763"}}{{/hket:ul-video}}

{{hket:inline-image name="be7c36086729316f59e098595fac4312.jpg"}}{{/hket:inline-image}}

《十八年後的終極告白》2年前大結局於跨平台收視達29.7點，而《十八年後的終極告白2.0》原本為未定播出日期嘅「壓軸劇」，不過ViuTV將推出由劉心悠同郭羨妮主演嘅《冥冥之中》，所以臨時安排《十八年後的終極告白2.0》劇提前播出爭收視，宣傳片亦已於前晚播出。

有劇迷覺得可惜，認為浪費一班演員心血。雖然收視低，但主角馬德鐘依然有信心：「套劇都未播完，唔能夠太早下定論㗎！」佢又表示相信公司安排：「濃縮咗會令劇情更緊湊，唔知遲啲會唔會再剪到個電影版出嚟呢！」湯洛雯則說近排拍《隱門》，或留待拍完新劇再重溫，佢又表示自己盡力做好演員部份，好少過問後製。