無綫節目《東張西望》昨晚繼續跟進美孚新邨老鼠屋的情況，原來屋主陳小姐在大嶼山有多個物業單位，其中位於貝澳的兩層村屋單位連天台都放滿雜物，令人憂慮成為美孚新邨單位的「翻版」。《東張》利穎怡到訪貝澳上址，見到屋主的雜物霸佔公家地不特止，鄰居梁太亦投訴有鼠患的問題。
同場加映：姜濤後悔自爆「A0」要永遠成謎 入行後媽媽朋友突增 姜糖直呼奶奶
東張西望丨美孚新邨老鼠屋未解決轉攻大嶼山 利穎怡素顏被急召到場採訪【下一頁】
鄰居梁太表示，跟老鼠屋陳小姐曾經為雜物而爭執，她形容：「佢啲雜物喺垃圾房執返嚟嘅，點解我知呢？周不時見到石油氣桶喺垃圾桶隔籬，第日朝早就喺佢度出現㗎喇！」她表示曾經有一次遭陳小姐吐口水，她禁不住大爆發，指罵對方10分鐘。梁太同時指，該次爭執事件後，陳小姐不再與她鬧交，改為不斷用手機拍片、拍照。
梁太大受困擾，陳小姐再次出招，指被梁太的丈夫掌摑，幸好有閉路電視力證她是虛報。其後，梁太接獲建議申請禁制令，阻止陳小姐用手機拍攝她，梁太說：「禁止佢！禁上翜再咁樣影我，我咁樣好冇保障！」官司開始後，陳小姐一度搬離貝澳居所，疑似搬到美孚新邨暫住，後來美孚新邨單位發生火警，陳小姐再度搬回貝澳居住。《東張》主持利穎怡前往貝澳採訪，並與陳小姐「正面交鋒」，沒料到陳小姐對攝製隊非常無禮。
東張西望丨惡婦霸佔鴨寮街10幾年冇王管 利穎怡遭狂罵不放棄終軟化對方【下一頁】
在節目的尾聲預告今晚播出的第三集中，利穎怡因上前追訪陳小姐而受到襲擊，影片所見陳小姐刻意多次用她的手推車「車」向利穎怡，起初順勢推向她的小腿，後來行為越來越過分，陳小姐視手推車為武器，向著利穎怡凌空「飛掟」整架手推車！
而另一畫面所見，陳小姐舉起手機反拍攝製隊，利穎怡趁機會追問陳小姐的家庭背景，沒料到陳小姐一個「批踭」撞向利穎怡的面部，明顯是情緒不穩，蓄意傷人！
被襲片段截圖：
由於事態嚴重，最終攝製隊報警處理，而詳盡的採訪過程將會於今晚播出。不少網友都替利穎怡感到擔心，指今次事件反映出《東張》採訪過程有一定的危險性，亦有網友建議「該由男主持採訪會較為安全」等等。
對於今次被連環襲擊，利穎怡接受《晴報》電話訪問，她表示：「其實呢次採訪除咗想幫其他居民，都想睇吓有乜嘢可以幫到呢位陳女士……當時見佢情緒穩定番，我先坐佢旁邊……呢宗個案確實係我第一次畀人打，我哋亦有報警、驗傷。今次受襲係最嚴重一次，醫生有開止痛消炎藥畀我，而家好番好多啦！（當時嚇到喊？）當刻冇，反而返屋企諗番個過程就有喊，而家出外景都有少許陰影……公司真係好好，體恤我嘅情況，暫時安排我少啲出外景。」
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
責任編輯：楊安莉