蔚雨芯母親節贈媽媽「兩球」支票 開醫美掘金：唔係建議去整容

現年28歲嘅蔚雨芯（Rainky）「魔鬼胸」近年轉戰美容界，收入三級跳嘅佢住大屋用名牌，搖身一變成小富婆。蔚雨芯向來侍母至孝，當然唔會自己一個享受，日前母親節佢送咗一張200萬支票畀阿媽做禮物，出手非常闊綽！

同場加映：姜濤後悔自爆「A0」要永遠成謎 入行後媽媽朋友突增 姜糖直呼奶奶

{{hket:ul-video id="5727"}}{{/hket:ul-video}}

Rainky喺社交平台透露自己同一屋女人包括娘親、弟婦同工人姐姐賀「娘親節」，Rainky上載出多張相片並留言：「娘親節…佢煮薑蔥炒蟹…一屋簷下三位母親！Happy Mother’s Day簡簡單單！」除咗食好嘢，重頭戲就係Rainky送出一張200萬銀碼嘅支票畀媽媽，雖然佢遮晒所有重要資料，但都有炫耀自己係用呢間銀行較高級嘅戶口，結餘最少要有$1,000,000以上先有資格申請！

{{hket:inline-image name="278346970_2117013071786842_5448113478523638372_n.jpg"}}{{/hket:inline-image}}

唔少網民都驚訝Rainky財力驚人，有人大讚佢𠱁媽媽一啲都唔手軟，非常疏爽，留言：「可能係我膚淺，但我都完全感覺到蔚小姐好錫佢媽媽」、「孝順女」等；不過都有唔少人覺得呢個做法太「土豪」，留言：「畀錢阿媽使鬼話人知咩」、「曬命曬到咁真係好鬼核突」。同時有人質疑一日見唔到錢一日都未知係咪真，「開完（支票）唔一定要兌，點解唔寫兩億？」Rainky就叫網民唔使咁驚訝，「我哋屋企人非常重視家庭觀念。」表示開心嘢一定要周圍分享。

曾被踢爆撻着大馬千億富二代嘅Rainky，其實除咗幕前工作外，近年亦開拓自己的美容王國事業，專賣女性保健產品、美容用品等，同朋友合資近百萬元建立自家美容品牌，短短兩年間，平均月賺過百萬。現時佢家人住喺2,500呎獨立屋，家中擺放大型皮梳化同雲石餐枱，Rainky經常於屋企做瑜伽，而主人房衣帽間內嘅名牌手袋櫃亦多不勝數，包括Hermès、Chanel、LV、Gucci等，可見吸金力驚人。

今年Rainky又再擴展業務，開設醫學美容中心，佢早前喺IG Post咗幾張新舖嘅照片，目測舖頭有近2,000呎，更有270度靚景，相信租金都唔平。今日Rainky又回答粉絲提問，講到自己點解會開醫美中心，都係因為佢做開美容生意，做生不如做熟，「唔係建議去整容，但男仔同女仔都一樣會衰老，醫學昌明大家呢個年代點樣（都）keep到，而且我搞嘅已經諗好晒特色之處。」

圖片來源：Instagram

撰文：黃蘊姿