前夫的愛︳張敬軒神還原MIRROR 12子造型 甫士超級難擺：要有舞蹈底子

張敬軒（軒公）最近處男執導「手機電影」，以全手機方式拍攝《前夫的愛》，向一眾「前夫」致敬，演員包括陳湛文、麥詠楠、楊偉倫及邱頌偉。軒仔今次將所有心思放在導演工作上，並以彩蛋形式在海報出現，他一人分飾MIRROR 12子，神還原眾人的造型，送上驚喜給大家。

{{hket:inline-image name="hinscheung_278534932_582557919385972_1260899399272474532_n.jpg"}}{{/hket:inline-image}}

{{hket:inline-image name="BTS19.jpg"}}{{/hket:inline-image}}

同場加映：新歌《Innerspace》丨MIRROR 12個大男孩玩踢水無仇報 為配合紅館舞台承諾練大隻騷肌

{{hket:ul-video id="5697"}}{{/hket:ul-video}}

《前夫的愛》講述由香港追星現象而引發的怪誕奇趣故事，包括瘋狂追星行為，以及一眾「前夫」愛屋及烏、「被迫」與妻子一起追星時既搞笑又甜蜜的點滴，今次就講「前夫」陳湛文為博另一半歡心，在街上偷取廣告燈箱內的男團海報。軒公表示：「不論是港產片，還是MIRROR重新掀起的廣東歌熱潮，都為我們生活帶來很多快樂和慰藉，而我也希望藉自己的作品為香港流行文化出一分力。」

MIRROR《CHILL CLUB》頒獎禮狂掃歌曲獎 張敬軒感慨太耐無睇騷恍如隔世【下一頁】

軒公向來對表演、鏡頭及燈光造型等有很多個人意見，所以早有做導演的想法，今次獲邀即自信滿滿地一口答應，不過正式執導時即發現比想像中困難，「個腦要開很多channels，每日要應對監製、美術、燈光及演員等來自四面八方嘅追問。而且喺拍攝一個鏡頭時，已經要提前預想定下一個鏡頭點樣拍先可以連戲。幸好今次因為係用手機，而非傳統大型攝影機拍攝，操作、移動及儲存都省時方便，團隊又可以輕鬆拍下大量後備鏡頭，剪接時發現不連戲時也有後備鏡頭補上。」

《940920》｜張敬軒事隔14年驚喜客串劇集 對白講劇組心聲：爛尾啲觀眾鬧呀！【下一頁】

提到他在彩蛋中的海報，以一人分飾MIRROR 12子，軒公自嘲是以「無賴方式」在片中曝光，因為他並非戲中演出的角色，還一定不及12子的養眼。原來這一張「復刻海報」，軒公花了不少心思，而為了神還原12子的不同造型，更花上接近10小時化妝及拍攝，並特意找來幾件原裝MIRROR衣服提高還原度，「影相先至發現那些甫士超級難擺，要有好好嘅舞蹈底子，原來要成為男團其中一員一啲都唔簡單。」

（↓點擊放大睇圖片↓）

軒公在IG再作補充：「冇錯，呢部的而且確係一部愛情動作片，因為愛，所以去做一啲動作，而呢個動作……我想同大家分享，真人真事，感受好深。話說拍攝前期，監製編劇陳詠燊Sunny Chan預備咗四個劇本，我自己最鍾意就係眼前呢個，雖然只係虛構故事，但實情喺我身邊確實真有其事。曾經有位男友人問我，可唔可以幫佢拎到MIRROR嘅海報，仲話不惜任何代價，佢話好想送畀佢太太做禮物𠱁佢開心，所以呢個男仔成個過程係排除萬難，用盡各種可行方法，只係希望拎到張海報令佢心愛嘅人一笑。我喺成個過程入面見到呢個動作，好有愛，所以今次有機會就好想將佢拍成手機電影，向各位『前夫』致敬。#處男執導，拍手機電影對我嚟講亦係前所未有嘅挑戰，係一次好好嘅體驗，大家有咩意見，多多包涵。」

娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】