拍拖五周年︳黃嘉樂訂婚曬巨鑽講愛的宣言 攝影師女友冧：做番一個懶女人

43歲嘅TVB「童顏藝人」代表黃嘉樂終於都要成家立室，今日佢同拍拖五年嘅攝影師女友Samantha同步於社交平台宣布訂婚，真係可喜可賀！

同場加映：新歌《Innerspace》丨MIRROR 12個大男孩玩踢水無仇報 為配合紅館舞台承諾練大隻騷肌

{{hket:ul-video id="5697"}}{{/hket:ul-video}}

黃嘉樂同Samantha拍拖五年，趁佢哋拍拖周年紀念宣布訂婚，唔少圈中人都留言祝賀。二人拍拖以嚟都不時喺社交網站「放閃」，除咗大時大節例貼甜蜜合照外，Samantha仲一早已融入黃嘉樂嘅朋友圈子，「鐵馬家族」各人一早當正佢係阿嫂。浪漫嘅黃嘉樂經常為女友送上驚喜，例如拍拖兩周年時，男方於鄭子誠嘅電台節目《音樂情人》中點選鄭伊健嘅《感激我遇見》憑歌寄意，透過大氣電波向女友示愛，令女方大為感動。

二人拍拖五周年又點會少嘢得過兩周年？黃嘉樂以巨鑽求婚，成功抱得美人歸，男方炫耀婚照，留言：「我來不及參與妳的過去，但妳的未來必定有我！#我係未婚夫#佢係未婚妻」。

{{hket:inline-image name="279797692_1025338401744788_8384213195345482333_n.jpg"}}{{/hket:inline-image}}

Samantha係職業攝影師，經常飛到外地為新人影婚照，因此二人嘅婚照都好高質，Samantha同步出Post，Sweet爆講到未婚夫令佢可以做個懶女人，「恭喜你呀！咁我就將我自己交畀你喇！一直做男性主導行業嘅我，喺你身邊呢五年我可以做一個好懶，同唔理嘢嘅女人。期待繼續被你照顧嘅日子。」

黃嘉樂接受《晴報》電話訪問，他首先多謝網友們的祝福，問到求婚的過程，一向浪漫嘅他原來借助「藍眼淚」力量去求婚，「早排香港咪有藍眼淚，難得有呢個自然現象，咁我就帶佢去沙灘度求婚。婚期暫時定八月，不過由於限聚令措施未知點，所以未百分百確實住，希望到時所有嘢放寬晒啦！」

提到未婚妻係婚紗攝影師，今次婚紗相有冇「職業病」發作？親自為未婚夫操刀影型仔獨照？黃嘉樂說：「冇啦！今次由佢公司旗下團隊幫手拍攝，另外仲搵咗兩位出名攝影師幫手，我哋影咗三輯相。感覺都幾特別，因為佢第一次畀人影咁耐。適逢噚日係我哋拍拖五周年紀念，所以我就喺網上同大家分享訂婚呢個消息！」

黃嘉樂與女友感情穩定，男方唔只一次表明視女友為結婚對象，並計劃在短時間內結婚。有娛樂報道指Samantha之前喺美國結過婚，黃嘉樂大方回應女友從未隠瞞呢件事，又指每個人都有過去，自己根本唔會在意。

圖片來源：Instagram