磨刀千日︳謝霆鋒自細學詠春處女做武指 出名唔錫身拍戲搵命博買重保險

現年41歲嘅謝霆鋒獲「宇宙最強」甄子丹點名做接班人，自細喜歡武術嘅霆鋒喺唔少電影中玩命，當年拍攝《新警察故事》（2004年放映）從會展頂樓往下跳，又試過喺9樓高畀人一腳踢下去；早前同甄子丹合作拍攝電影《怒火》，兩人親身上陣打戲連場。

同場加映：新歌《Innerspace》丨MIRROR 12個大男孩玩踢水無仇報 為配合紅館舞台承諾練大隻騷肌

{{hket:ul-video id="5697"}}{{/hket:ul-video}}

霆鋒喺《怒火》嘅表現，雖然未獲提名金像獎「最佳男主角」，其實佢早於2010年獲得呢項殊榮（《綫人》）。佢於新戲《海關戰線》 除咗主演外，演而優則導，第一次擔任動作導演。經理人霍汶希接受訪問時表示霆鋒自小學習詠春，係一個武癡，從未停止過鍛煉自己，最近收了兩個徒弟，分別是17歲、出身自跆拳道世家的林秋楠及「第十五屆世界武術錦標賽」女子太極拳項目冠軍梁壁熒，後者早前於央視春晚上演出。

{{hket:inline-image name="1ZLrInujwbvBcuvctbGcz7krrWUJAEaLWv42JVr-NiU.png"}}{{/hket:inline-image}}

霆鋒日前上載一張拍戲現場嘅合照留言：「拍攝中！老闆楊博士抽空嚟劇組探班！而且今次喺由我擔任動作指導，大家期待吧！」霆鋒一直有傳承武術嘅心願，希望以自己為榜樣，吸引更多年輕人為動作電影出力。

霍汶希指現時年輕演員比較喜歡拍文藝片，可能係認為比拍動作片嚟得舒服，霆鋒作風喜歡親自上陣，即使能夠用替身都盡量由自己先試，話霆鋒希望將呢種精神傳落去，往後日子會更專注在武術方面，同時帶埋徒弟拍戲，借電影傳承武術精神。

自小沉迷成龍、洪金寶和甄子丹打片嘅霆鋒，十分好動，經常模仿前輩動作，卻換來打爛家中家具而捱鬧。霆鋒自覺嚴格上唔係習武之人，都冇諗過會成為動作演員，最後卻被視為香港動作片新一代接班人，佢表示要感謝伯樂陳木勝導演多年來嘅提拔同推動，「我沒有一項興趣學很長，彈結他、拍打戲、入廚房，因為拍戲乜都要試吓，所以嚴格來說我不是練武之人！」佢為拍戲唔可以日日練功、習詠春，但銘記從習武中領悟到嘅處事原則。

霆鋒於《逆戰》（2012放映）中拍攝驚險鏡頭，在號稱世界最美火車站中（吉隆坡舊車站Stesen Keretapi），不單赤腳上陣同多名警衛埋身打鬥，最後更從8樓高的窗戶縱身一跳；電影公司顧及安全問題，總共投保8千萬，換算下來，堪稱每一層樓就加保一千萬。呢幕跳樓戲只要謝霆鋒手臂稍微張開一點就會撞斷，佢表示害怕，但強調：「怕並不是怕高、也不是怕死；是怕傷了會拍不了之後的戲。」

撰文：黃蘊姿