口水多過浪花︳余德丞約滿TVB獲Do姐關照火速開工 商台開咪做客席主持：勁緊張

現年32歲Dickson余德丞日前自爆約滿離開無綫，在網上分享返電視城清Locker片段，跟TVB結束8年賓主關係。其實Dickson已經滿腦子計劃，昨日（2日）星期一已返新工，到商台做節目《口水多過浪花》的客席主持，夥拍Do姐（鄭裕玲）、余迪偉和傑朱開咪，今日（3日）於個人頻道上載首日返工短片，言談間暗示新工作多得Do姐關照，讓他有機會在大氣電波開咪。

{{hket:inline-image name="05032001.jpg"}}{{/hket:inline-image}}

{{hket:inline-image name="yuduck_279686380_525005369135084_6275340025678886794_n.jpg"}}{{/hket:inline-image}}

同場加映：食腦喪B丨方紹聰暫別精神病角色初嘗男配角 感激家人無限量支持：姐姐以我為榮

{{hket:ul-video id="5674"}}{{/hket:ul-video}}

Dickson日前在個人頻道宣布正式離開TVB，表明短時間內大家都不會在電視平台見到他，不過就承諾繼續努力更新社交平台，原來他已舖排好後路，就是到商台開咪。今日Dickson在網上分享首日返工的短片，並一開始就解答大家問題，否認他將會轉行及移民，「我想講香港人真係非常之有愛，因為呢兩日都收到好多祝福同關心，就算係素未謀面嘅都會支持我。呢兩日睇咗好多留言，雖然無時間去逐一回覆，但係我真係有睇晒，見到好多人都問我，係咪諗住唔再做娛樂圈？甚至係咪移民？但我係好清楚，因為香港係一個我由細到大成長嘅地方，所以我希望喺自己鍾意嘅地方，做一份鍾意嘅工作，同埋正如我啱啱講，香港人真係好有愛，我又點捨得離開呢個地方呢？」

余德丞突宣布離巢TVB拍片清Locker執包袱 公司阻回應續命謠傳耿耿於懷【下一頁】

之後到達廣播道商台對面行人路時，Dickson講出他的新去向，「無錯，我今日就係去Do姐（鄭裕玲）、余迪偉和傑朱嘅節目《口水多過浪花》，做客席主持，哈哈哈……係咪好嚇人呢？」由於直播室不准錄影關係，Dickson要節目後再次出鏡，他說：「各位，收工。我想講我好緊張，今日（5月2日）第一日開咪，平時我真係口水多過浪花，但我去到《口水多過浪花》就真係一滴口水都冇，因為好緊張又驚講錯嘢，所以做節目同你平時做人吹水，完全係兩回事。」

青春不要臉︳貪靚余德丞拍劇受傷最驚毁容 戴祖儀犯太歲盼帶旺劇集【下一頁】

Dickson稱首日工作主要是讀聽眾來信及給予意見，不過他就覺得自己表現不太理想，「因為我太多顧慮嘞，好擔心我畀嘅意見係唔啱，或者我冇好充分代入佢角色，所以我唔係好敢畀意見，但其實又唔係，我應該講咗我嘅諗法先，雖然可能佢未必係我咁諗，但都畀多個建議佢。希望我會有改善，下星期一呢個環節《鄭大仙》，我係會畀多啲有用意見，我發誓。」對於外界疑惑他到商台做DJ，他亦稍作解釋：「實不相瞞，其實我喺2011年大學畢業時，已經向商台求過職，當時我申請商台一個職位空缺，係做PA（節目編導），但我犯咗一個超級大嘅錯誤，send email後發現自己串錯咗人哋個姓氏，人哋係郭先生Mr.Kwok，但我串錯Kowk，唔怪得冇回音。都好好彩，多謝商台同Do姐，隔咗11年之後再畀一次機會我喺大氣電波開咪，我會繼續努力，會用行動去證明。」

（↓點擊放大睇圖片↓）

Dickson在IG上載他同主持人大合照，TVB舊同事謝東閔、林盛斌及丁子朗等，分別留言送上鼓勵；商台新同事森美和余迪偉也歡迎他加入。網民力讚Dickson有新發展，「時勢造英雄，呢幾年行行都好艱難，尤其你哋做娛樂行業嘅，影響更加大，好佩服你喺咁艱難嘅時候作出一個咁大大大嘅改變，加油啦」、「加油！Dickson！支持你選擇適合自己嘅路」、「咁快有新工作真替你開心，努力加油」、「轉個新環境，迎接新的挑戰是好事。加油！既然你已有了決定就要盡力去做好，祝願Dickson前程似錦，做最真誠的你」、「多謝Do姐即刻帶Dickson過檔」及「離開TVB不是壞事，將來若有機會替TVB再做節目也不壞。請不要有hard feeling，天空海闊任鳥飛，應該嘅」。

此外，Dickson晚上接受《晴報》訪問，他說：「係傑朱介紹我入嚟，第一日真係非常緊張，做完返去重聽再檢討，今日三位主持都有畀建議我，所以感覺上好過噚日。始終默契要時間建立，希望會更好，聽日嘅環節係大問答環節，咁就要準備啲問題，去考吓其他三位主持。（第一日被迪偉笑「呃」年青少艾，有無被嚇親？）唔會，搞氣氛啫。其實有份參與節目已經好開心，我嘅目標係唔好丟《口水多過浪花》嘅架。」提及宣布離巢TVB的影片有近70萬點擊，他對此大為感動並說：「就算完全唔識嘅人見到我都會點頭支持，叫我加油，好多謝大家，所以我喺另一條片度話香港人真係好有愛。」

娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】