新歌《Innerspace》丨MIRROR 12個大男孩玩踢水無仇報 為配合紅館舞台承諾練大隻騷肌

人氣男團MIRROR將於暑假踏上紅館舞台，暫定舉行10場演唱會，近日部分成員陸續推出單曲，而全新團歌《Innerspace》亦已於上月底面世，12子帶大家進入充滿幻想世界，MV中上演一場激光及水舞間舞蹈，向高難度挑戰，他們笑言拍水舞間場景每個人都由頭濕到落腳，無一倖免！

{{hket:ul-video id="5697"}}{{/hket:ul-video}}

今次《Innerspace》的舞蹈難度大增，江𤒹生（AK）表示排舞師Rock sir設計的舞步相當有心思，亦有加入新手勢，AK說：「以往跳舞都係體能上嘅困難，但今次難度就係技術上，之前《Reflection》比較多用體能上去跳，今次就係技術上用多咗心思，但係排舞過後大家都跳得好開心嘅。Rock sir一路諗好多畫面，又設計好多唔同嘅手勢，令到呢個成品睇得好開心。」

光明頂丨陶傑開咪批評MIRROR係虛火 另一主持急忙道歉：真係得罪鏡粉【下一頁】

{{hket:inline-image name="IMG_3746.JPG"}}{{/hket:inline-image}}

{{hket:inline-image name="BB.jpg"}}{{/hket:inline-image}}

提到今次MV中，12位成員在水中跳舞水花四濺的一幕，Lokman說:「正式拍攝之前大家試位，嗰時大家仲未習慣點樣踢水，點知試嗰陣個個都好用力踢落水，搞到未正式roll機我哋已經全身濕晒。」首當其衝的就是李駿傑（Jeremy），他「投訴」企在他前面的邱士縉（Stanley）：「佢一腳踢啲水變咗好似成個浪冚埋嚟咁，搞到我成身濕晒，因為要繼續拍攝，唔可以即刻吹乾，卒之全程都好凍又濕住咁拍，佢仲好開心咁笑。」Stanley笑言：「出嚟效果好吖嘛，有啲水花幾好睇，其實Jeremy企喺我斜後邊嘅，每次拍一個shot我都會擰轉頭望吓，見佢成身濕晒，哈哈！」

左邊受害者代表的王智德（Alton）直指「兇手」是呂爵安（Edan），笑言自己因為排在最後，連報仇機會都沒有。AK笑言：「我同Ian、Lokman喺前面跪低，Jer直頭飛鏟入嚟，搞到好似成個浪冚埋嚟咁，我仲話：『使唔使呀！』，爭啲Surf（滑浪）都得呀！」回想那一刻畫面，大家都忍不住大笑。Edan大讚每位成員都好專業，大家都很投入，而姜濤矇查查完全不知道發生甚麼事，只知道自己已全身濕透。AK說:「每個人都係由頭濕到落腳，嗰個鏡頭拍咗差唔多兩個鐘，如果冇乜點濕嘅話真係要出書去請教下啦。」那是否濕到入底褲？Alton指已經不知是外面濕入去還是太大汗弄濕了，總之大家裡裡外外都濕透了。

出道第4年︳MIRROR首踏紅館誓掀撲飛潮 隊友整蠱畏高姜濤AK被迫再坐飛船【下一頁】

盧瀚霆（Anson Lo）早前於社交網站自爆曾入醫院，被問是否拍MV當日入院？起初Anson Lo吞吞吐吐不欲透露詳情，但經理人黃慧君（花姐）示意講一次以釋除大家疑慮，Anson Lo才全盤托出：「其實因為近日肥咗，就連手指都肥埋，拍MV嘅時候因為戴上戒指，點知隻手指太肥撠住咗，加上越整就越腫，隻手指腫到成個波咁，我就好擔心，於是即刻問醫生點算，醫生同我講要即刻去醫院幫我處理，其實喺醫院逗留咗半個鐘都走得㗎喇。」身旁的Edan笑他倘若太遲都不處理就要截肢，嚇得Anson Lo哇哇大叫。

Lokman透露MIRROR計劃於六月推出多一首新歌，亦會為演唱會四面台重新編排一些舞蹈， AK表示：「好似《ASAP》呢首歌之前一直係跳緊三面台嘅舞步，但今次因為四面台嘅關係，舞步都會重新編排。」踏上紅館大舞台，騷肌似乎成了指定動作，去年九展騷有份騷肌的Lokman亦稱是必須的，他笑言：「紅館舞台大，如果身形細細粒就會睇唔到，太瘦嘅話打側身已經搵唔到㗎喇，所以點都要練大隻啲嘅。」

化妝：Annie G. Chan,Rainbow Chung,Giann Cheung,Cori Wong ,Mayling Suen @Annie G.Chan Makeup Centre
髮型：Man Chan,Denny Ku,Jeff Wan,Idols Leung,Harris Lai@CHIC Private I salon
服裝：Joyce、Mr Porter、Lane Crawford、Sacai、Sandro
撰文：黃寶蓮

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】