郭子豪「灰姑娘」直播急閃為向鄧卓殷求婚？ 拍拖兩年來堅拒Follow其他女藝人IG

《食腦喪B》正在熱播當中，幾位主要演員何廣沛、江嘉敏、郭子豪和方紹聰（奶仔）不時約埋一齊開直播，為劇集宣傳，他們私底下都是好好朋友。昨晚四人再次開直播，直至晚上11點許，郭子豪支支吾吾稱要離開直播，在大家迫供之下，他只稱「有人生日」要準備，原來正是女朋友鄧卓殷（Amber）的27歲生日，奶仔更加鹽加醋說：「佢生日要求婚呀！好啦好啦！郭子豪你要加油呀！」而江嘉敏亦多參一腳熱烈支持，郭子豪急於離場，只解釋：「生日呀！唔係...」但兩位好友一於少理，連同網友們一齊送上祝福。

同場加映：保錡@ERROR自認唔夠靚仔推新歌自嘲 搞笑背後：花盡氣力做個合格的人

{{hket:ul-video id="5655"}}{{/hket:ul-video}}

食腦喪B｜何廣沛爆雪妮霸氣肯玩滿臉忌廉 77歲老戲骨拍戲58年此劇成告別作【下一頁】

{{hket:inline-image name="amber5.jpg"}}{{/hket:inline-image}}

郭子豪隨後在IG分享一張手拖手的照片祝福Amber生日快樂，借機「放閃」，不過就暫時未見有求婚成功的好消息公布。江嘉敏雖然經常寸嘴窒郭子豪，指他拍拖之後，有異性冇人性，常常不出席老友的飯局，不過後來她都大讚郭子豪是暖男，連IG都不會追蹤任何女藝人，亦不會隨意在女藝人的IG貼文留言，非常尊重Amber，值得嘉許。

郭子豪聽畢即時尷尬怕醜，翻睇郭子豪的IG帳號，他只追蹤了102個人，其中只有兩名女藝人，就是Amber和汪明荃，頂多加上高層樂易玲，就沒有其他，似乎用行動表示自己專一一條心。郭子豪早前接受訪問都坦言認定Amber，期待短期內求婚迎娶對方。

【阿姐有正氣】汪明荃酷熱警告下戴護膝做義工 郭子豪鄧卓殷「拍拖更」執垃圾【下一頁】

而直播中，江嘉敏大爆四人之中，只有郭子豪感情有著落，他們都有傾到緋聞的話題，事緣江嘉敏要買電腦作打機之用，但身邊朋友勸不要一個女仔去買，怕被呃錢，大家叫江嘉敏跟何廣沛去買，江嘉敏立即Say No！她解釋說：「我同何廣沛真係好好朋友，大家六年前拍《親親我好媽》已經認識，我哋劇組有個Group，經常都會約食飯，但我從未單對單出去食飯。雖然朋友唔係男就係女，普通食飯係好正常不過，但我哋係公眾人士，好多被放大或者甚至抹黑。奶仔覺得點解為避緋聞而影響自己唔做正常人，佢諗法冇錯，但身分原因，我唔想出咗咩事，被人寫秘密幽會或者唔好字眼出現，會影響到朋友之間關係，亦影響之後大家將來嘅作品。」

{{hket:inline-image name="01_1024.jpg"}}{{/hket:inline-image}}

江嘉敏說：「我哋好熟識，所以拍《食腦喪B》好開心，就算劇情要攬攬錫錫都唔尷尬，好friend，但如果萬一出咩事，因為買電腦有唔好新聞或唔好字眼出現，之後再次合作，拍攝個關係同畫面一定冇而家《食腦喪B》咁好睇，太多嘢影響，我會選擇避免影響大家生活嘅事情。」

{{hket:inline-image name="04_1024.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉