曾江猝逝摯友胡楓震驚難以接受 羅蘭愕然反問：係咪另一個曾江

87歲曾江今日於尖沙咀一間指定檢疫酒店房死亡，死因未明。

摯友胡楓得知消息後難以接受：「有幾個人問我，我唔信呀，你點知呢？」當知道是港聞消息後，他很難過，反問：「港聞出咗呀？哎呀！哎呀！哎呀！咁我唔講嘢住啦！我希望唔係事實呀！我唔相信，就算你話出咗新聞，到呢刻我都唔相信，我而家個心好亂好亂。」胡楓指因疫情關係與曾江有一段時間沒有聚頭。然而與曾江一直有個未完的心願，就是希望原有班底，再拍《四個小生去旅行》第二輯，胡楓說︰「我哋係想，不過當時要睇公司決定。」

同場加映：  金宵大廈2丨趙希洛棄星二代光環無視閒言閒語 「情願唔夠瞓都唔想坐一年冇工開」

{{hket:ul-video id="5644"}}{{/hket:ul-video}}

{{hket:inline-image name="116d7b7a4964ee9f5007bb1f97dc17de.jpg"}}{{/hket:inline-image}}

Joe Junior與曾江、胡楓、謝賢（四哥）合作過節目《4個小生去旅行》，他表示收到傳媒告知曾江死訊時，最初不相信是事實，證實後是心裏感到不舒服：「諗起4個小生就好開心，當時拍完覺得佢係心地好好，雖然我無佢電話，我哋4個有約出嚟食飯，曾江有請過食飯，四哥都有請我哋食飯…，我哋一齊好開心，成日諗幾時再拍《4個小生去旅行》，所以幾時都希望大家身體健康。（對上一次是幾時見曾江？）係上年四哥生日，喺一間好靚嘅酒樓，大家都有影相。每次睇番《4個小生去旅行》都覺得好難得，成日希望再有機會再拍，聽到呢個消息一定唔開心，接受唔到，所以成日想人健康，有健康就乜都有。（知否曾江有病？）無聽過，上次合作知佢有痛風要食藥，況且佢係大哥哥，唔會問佢太多。」

好友羅蘭聽到曾江離世消息感到相當愕然，她不停反問：「點解會咁㗎？係咪另一個曾江呀？我真係好難過，呢兩年我哋演藝界好多藝人走咗，同曾江都有年幾時間無見，而家惟有幫佢祈禱，其他乜都做唔到。」

曾江後輩文雪兒表示因為新聞才得知對方離世，文雪兒透露大約5個月前見過曾江，當日只是因為食飯巧遇對方：「當時佢聲如洪鐘，身體冇事喎，嗰日佢講嘢好大聲，佢太太話佢因為耳仔麻麻地，所以說話好有中氣。」文雪兒指自己16歲入行，而曾江則是外景導演，由於自己沒有演戲經驗，得到對方耐心的教導，她說：「佢慢慢教，又冇乜鬧我喎，可能我乖啦，對於佢嘅要求，我都盡量做。」

Stanley＠MIRROR早前同曾江合作拍外賣平台廣告，係對方最後一個廣告，Stanley聽到消息都覺得好突然：「合作時間唔長，但佢每個細節都做得好足，思維亦好清晰，亦可以行走，係一個好值得欽敬嘅前輩，聽呢個消息都覺得好可惜。」Stanley表示對方好願意提攜後輩，雖然只係拍廣告，但佢都好認真，更會主動同導演溝通。

毛舜筠稱從手機短訊中收到這個噩耗也感到難過：「同佢都識咗好多年，望住新人一代接一代過去係必然嘅事。佢應該係身體有事，同隔離酒店無關，其實我都唔清楚件事，唔好談論太多，不過我都好耐冇見佢，最近一次見佢係同太太一齊嘅，但係都係好耐之前啦，之前我都同佢拍過電視劇集。」

{{hket:inline-image name="0927f0cf-7a2b-4323-b685-8f960e0e4a3f.png"}}{{/hket:inline-image}}

曾江外甥女王馨平日前到台灣處理爸爸王羽的後事，今日又接獲舅舅過世噩耗：「去年底吃過飯，後來的確因為香港疫情緊張，所以沒見面……然後我就為了我父親的事，來了台灣，這一刻我也不方便講甚麼，因為我有我父親的事情要處理」。王馨平隨後在社交平台留言說：「We will miss you. 親愛的舅舅，您實在太瀟灑了...我們會永遠懷念你。」王馨平二妹王加露透露：「他的狀況一直都很好的」。

無綫電視電視廣播有限公司亦公開發慰問信：「資深藝人曾江先生（原名：曾貫一）為演出藝術界的翹楚，香港影視圈的傳奇，曾江先生最後效力本台作品為綜藝節目《四個小生去旅行》，今午噩耗傳來，對於曾江先生的辭世本台上下深感難過和惋惜，並向他的家人致以深切慰問。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組