傳陳奕迅超抵價加盟《聲生不息》 經理人甘菁菁否認：已經婉拒了

由無綫及內地電視台合辦嘅音樂節目《聲生不息》上星期播出第一集，雲集中港歌手包括李克勤、楊千嬅、林子祥、葉蒨文及李玟等，而新世代歌手炎明熹同曾比特喺內地知名度大大提升，齊齊登上各大熱搜榜。今日（27日）有報道指節目陣容將再加碼，「歌神」陳奕迅（Eason）將會於最後一集壓軸登場。

同場加映： 金宵大廈2丨趙希洛棄星二代光環無視閒言閒語 「情願唔夠瞓都唔想坐一年冇工開」

{{hket:ul-video id="5644"}}{{/hket:ul-video}}

有指Eason會以「超級嘉賓」身分中途加入《聲生不息》，前年喺內地唱3首歌就袋約200萬港元嘅佢，更以超抵價約100萬港元拍1集節目。據報主辦單位將Eason同容祖兒列入「待議」歌手名單，更指Eason見加上節目一播出後反應熱烈而再聯絡主辦方，而祖兒則因檔期問題冇參與。

{{hket:inline-image name="fe7b538c5321e577c5b37ef14f2cb0cd.jpg"}}{{/hket:inline-image}}

Eason被指加盟費跟李克勤、楊千嬅、林子祥、葉蒨文相同，而參加《聲生不息》更比平日齋演唱嘅工時更長，估計每集要花3日先可完成。受疫情影響，Eason近兩年工作量插水式大跌，佢曾自爆幾乎零收入，自言患上「荷包乾硬化」及「急性發錢寒」。

不過《晴報》今日聯絡到Eason經理人甘菁菁，佢斬釘截鐵咁否認Eason加盟節目傳聞：「兩個月前內地節目組有跟我們聯絡，希望陳奕迅可以參加『聲生不息』做最後一集的嘉賓，但是還沒有洽談價錢之前我已經婉拒了。因為疫情的確推了好多工作。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：黃蘊姿