死角丨AK Lokman培養情緒唧都唔笑 地道茶餐廳拍戲引半百Fans圍觀

MIRROR 12子昨日舉行記者會，全體著上全套白色衫，以白馬王子造型出場，出道三年多嘅佢哋宣布將於7月25-31日及8月2-4日舉行《MIRROR.WE.ARE LIVE CONCERT 2022》，唔少粉絲都好期待！全方位發展嘅12子除咗跳得唱得之外，仲拍劇拍戲，ViuTV新劇《死角》（改編自香港同名拳擊漫畫）就由江𤒹生（Anson Kong）、楊樂文（Lokman）、邱傲然（Tiger）與王智德（Alton）主演，日前就被野生捕獲佢哋走入社區拍攝。

同場加映：金宵大廈2丨趙希洛棄星二代光環無視閒言閒語 「情願唔夠瞓都唔想坐一年冇工開」

{{hket:ul-video id="5644"}}{{/hket:ul-video}}

{{hket:inline-image name="7.jpeg"}}{{/hket:inline-image}}

日前有讀者爆料，《死角》劇組於大圍一間茶餐廳拍攝外景。雖然已入黑，但現場都有半百粉絲圍觀，不過為免阻礙拍攝，佢哋都以「安全距離」支持偶像。當晚除咗有Anson Kong同Lokman之外，仲有染咗超激粉頭嘅同劇演員駱振偉（Thor），唔知係天氣太熱定劇情需要，Thor半除外套騷肌，非常有型！而AK同Lokman唔係拍擂台戲就惜肉如金，好認真拍攝嘅佢哋冇畀現場粉絲干擾，唧都唔笑咁培養情緒，非常專業！

其實早前二人已經上過擂台拍埋身肉搏戲份，當時更有邀請粉絲們做觀眾客串演出，未開場已有數百計粉絲排隊輪候；最後MIRROR 4子踩上擂台，感謝一眾粉絲們客串演出，更在工作人員協助下與台下粉絲影大合照，非常親民。AK早喺之前學過空手道，而Lokman本身都識跆拳道，二人都有功夫底唔係「花拳繡腳」，相信拍出嚟嘅效果一定好好睇！

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：黃蘊姿