梁朝偉與日本影帝妻夫木聰合體 低調歎Omakase網民期待結片緣

將會喺今年6月「登六」嘅梁朝偉一向作風低調，雖然都有定時更新佢嘅社交平台，但都係工作照多。不過日前佢就post出一張同朋友聚餐嘅合照，而相中嘅朋友就係41歲嘅日本男神妻夫木聰。香港影帝對日本影帝，唔通有啲咩大project？

同場加映： 金宵大廈2丨趙希洛棄星二代光環無視閒言閒語 「情願唔夠瞓都唔想坐一年冇工開」

{{hket:ul-video id="5644"}}{{/hket:ul-video}}

妻夫木聰噚日同梁朝偉都Post相打卡，妻夫木聰透露同梁朝偉齊到位於東京六本木嘅3星米芝蓮餐廳「鮨SAITO」食omakase，妻夫木聰公十足小fans，興奮留言：「還是難以置信，那是一段夢幻般的時光，夢想有一天可以一同演戲。」妻夫木還形容「知道我的存在已感幸福」、「從來未遇過內心如此美麗的人」，似乎首次見面就一拍即合。雖然妻夫木聰曾接拍華語片《刺客聶隠娘》、《唐人街探案》系列，亦曾經進軍荷里活拍攝《狂野極速：飄移東京》，但同梁朝偉一直未有機會合作。

{{hket:inline-image name="279007844_499534924974873_7985520372464752709_n.jpg"}}{{/hket:inline-image}}

兩大男神合照，兩個都又型又有味道，成個畫面都好耀眼！大量中日網民湧入留言，形容佢哋呢個係夢幻組合，希望可以見到二人合作拍戲：「妻夫木聰和梁朝偉？好棒的组合！」、「 超期待了」、「兩個漂亮的人，多麼美妙的相片」。當中唔少日本影迷都話好鍾意偉仔，話睇咗無數咁多次《重慶森林》、《花樣年華》同《春光乍洩》等作品。

兩年前偉仔出街被野生捕獲，當時一臉倦容嘅佢被指跌watt，今次偉仔就為自己「平反」。打扮依舊撲素嘅佢掩蓋唔到迷人電眼嘅光芒，唔少網民大讚偉仔越老越有型，更加比以前有過之而無不及。

圖片來源：Instagram

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】