保錡@ERROR自認唔夠靚仔推新歌自嘲 搞笑背後：花盡氣力做個合格的人

ERROR成員吳保錡推出個人新歌《猥瑣》，一洗以往ERROR中的壞男孩和搞笑形象，以深情歌聲道出心聲。保錡苦等三年終於推出單曲，他坦言不單止要粉絲喜歡，更希望新歌列入駕駛人士的Playlist之中。曾經因拍拖、糊塗事而被公司「雪藏」停工，保錡感恩有這些經歷，他不會刻意洗底，反而學懂珍惜機會，望在事業上多加努力。

{{hket:ul-video id="5655"}}{{/hket:ul-video}}

保錡今次以全新形象示人，除了積極戒口減磅下巴尖尖之外，更放下故有吊兒郎當的感覺，深情獻唱第一支個人單曲《猥瑣》，MV中大灑男兒淚，讓粉絲和網友們見識到他的另一面。「ERROR嘅嘢係畀開心大家，個人作品就會有好多內容，相對比較沉重，想令人反思。《猥瑣》呢首歌可以講係自嘲，係講人哋對我嘅感覺，咁人哋睇落我係MK仔、唔靚仔嘅人，或者要努力好多好多，人哋先覺得係合格嘅人，我自知唔係靚仔。」

2022年新人丨保錡新歌為猥瑣平反邀偶像拍MV 崇拜Heidi多年：難以形容嘅感動【下一頁】

{{hket:inline-image name="DSC00129.jpg"}}{{/hket:inline-image}}

{{hket:inline-image name="DSC00131.jpg"}}{{/hket:inline-image}}

自ERROR成立開始，苦等三年終於等到屬於自己的第一首作品，保錡說：「希望做到出嚟嘅歌係駕駛人士會播嘅歌，即係搭的士時會聽到私士司機播。我自知能力唔夠，由我創作出嚟嘅嘢未必人人鍾意，希望搵最好嘅團隊做最好嘅事。」坦言第一次從收音機聽到《猥瑣》首播時，感動到流下男兒淚，「自己都好鍾意！好感動！粉絲實話鍾意嘅，不過作品唔淨止為粉絲做，香港七百萬人，希望可以令七百萬人有共鳴。」

ERROR之中，保錡音樂底子較強，卻被肥仔梁業和193郭嘉駿爬頭出歌，「唔遲呀！你冇經歷就唔會有好嘅作品，亦唔會搵到一個唱歌嘅好方法。當你經歷完一啲事，睇嘅嘢完全唔同，細味歌詞感覺都會有所不同，適當嘅時間就會有適當嘅作品，唔需要問『點解唔係我』……個天會自然話畀你知。當機會未喺你手嘅時候，就要裝備好自己。雖然我識樂器同做歌，呢啲全部都只係準備，我都未有夠呢個能力出歌（一手包辦）。」

七福星丨ERROR 保錡 193 承諾以後慎言公開致歉 八両金驚喜現身：似我有咩唔好【下一頁】

眼前的保錡跟綜藝節目中「快吞轟」的他完全不一樣，記者還以為他會輕鬆接受訪問，爆笑連場，卻換來一本正經的成熟保錡。問到平日幕前的他是否掩蓋著某部分真實的自己？他坦言：「人只要越搞笑，內心世界就有越多唔開心嘅嘢，每日就算幾唔開心，鏡頭前就好似上電咁，所以收工時壓力會好大。工作時，我可以不斷講嘢，能量高，情緒高昂，所以每日收工，我都會去跑步或踩單車，享受一下寧靜同海風。因為我對自己有要求，每日去諗點樣做得更好，令自己無悔。（幕前搞笑會好攰？）唔攰，ERROR係一種精神，有個使命喺度，我係張家輝化骨龍咁，每日睇好多嘢，準備好多功夫，火火老師喺《全民造星》講過話要每日睇一套戲，呢個係必需！點解YouTube搞笑片會成功？就係因為呢班人有晒準備功夫，做得唔好正正係因為唔夠勤力，連欣賞人哋嘅嘢都唔肯去花時間，仲點樣去講成功？」

至於會否為自己過往的形象「洗底」，他認為完全不需要，因為觀眾早有既定「定義」，「佢覺得你差就差，好似《猥瑣》首歌咁，佢覺得你係差就係差！世界太多人，唔可能叫所有人鍾意你，你只能服務緊鍾意你嘅人，又或者可以令更多人鍾意你。市場好容易淘汰人，冇得唔驚，惟有更努力做好自己本份。我目標係做好嘅歌曲，到將來我冇能力再喺娛樂圈發展嘅時候，可能變成一個阿叔時，隔籬個𡃁仔就係聽緊我首歌囉！」

服裝：@rickyy.wong_official、@oamc_official from @hbxhk
鞋履：@dr_martenshk
造型：@chloemakcm、@agneshuins、@chloemakfc
化妝：Cori Wong @Annie G. Chan Makeup Centre
髮型：Harris Lai @ Chic Private i Salon

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

責任編輯：楊安莉